މި ފަހުން ސަލްމާން ހާން އިއުލާން ކުރި ފިލްމް "ސިކަންދަރު ގެ ބަތަލާއަކަށް ޒުވާން ބަތަލާ ރަޝްމިކާ މަންދަނާ ހަމަޖައްސައިފިއެވެ.
އެއާއި އެކުގައި މި ފިލްމް ވެގެން ދާނީ ސައުތުގެ މަޝްހޫރު ބަތަލާ ރަޝްމީކާ އާއި އެކުގައި ބޮލީވުޑްގެ ސްޕަސްޓާރު ސަލްމާން ހާން ކުޅޭ ފުރަތަމަ ފިލްމްއަށެވެ. "އެނިމަލް" ގެ ކާމިޔާބަށް ފަހު ބޮލީވުޑްއިން ގިނަ ފުރުސަތު ތަކެއް ރަޝްމިކާ އަށް އަންނަނީ ލިބެމުންނެވެ.
View this post on Instagram
ސަލްމާންގެ "ސިކަންދަރު" އަށް ރަޝްމިކާ ނެގި އިރު، އޭނަގެ ކުރިއަށް އޮތް ހުރި ބޮލީވުޑްގެ ފިލްމުތަކުގެ ތެރޭގައި ވިކީ ކޯޝަލްގެ ތާރީހީ ފިލްމު "ޗާވާ" ހިމެނެ އެވެ. ސަލްމާނާ އެކީ ފިލްމެއް ކުޅެން ރަޝްމިކާ އަށް ފުރުސަތު ލިިބުނު އިރު، މި ދެ ތަރިންގެ އުމުރުގައި 30 އަހަރުގެ ފަރަގެއް އެބަހުއްޓެވެ. ސަލްމާނަށް މިހާރު 58 އަހަރެވެ.
ރަޝްމިކާ ގެ ކުރިން މި ފިލްމްގެ ބަތަލާއެއް ކަމަށް އަޑުއަރައިފައި ވަނީ ޒުވާން ބަތަލާ ކިއާރާ އަދުވާނީއެވެ. އޭގެ އިތުރުން ވެސް ބައެއް ޒުވާން ތަރިންގެ ނަން މި ފިލްމް އާއި ގުޅުވައިފައި ވެއެވެ.
View this post on Instagram
މި ފިލްމަކީ ސާޖިދު ނަދިއަދުވާލާ ޕްރޮޑިއުސްކޮށް، ތަމަޅަ ޑައިރެކްޓަރު އޭއާރް މުރްގަދޯސް ޑައިރެކްޓްކުރަން ހަމަޖެހިފައިވާ ފިލްމެކެވެ. "ސިކަންދަރު" އަކީ އަންނަ އަހަރުގެ ފިތުރު އީދަށް ރިލީޒް ކުރުމަށް ތައްޔާރު ވަމުން އަންނަ ފިލްމްއެކެވެ. ފިލްމް އިއުލާން ކުރީވެސް އެދުވަހުގައި ރިލީޒް ކުރާނެ ކަމަށް ބުނެއެވެ.
