ޒުވާން ބަތަލާ އަނަންނިޔާ ޕާންޑޭ އާއި އެކުގައި ދެއަހަރެއްހައި ދުވަހު ލޯބީގެ ގުޅުމެއް ބޭއްވި މަޝްހޫރު އެކްޓަރު އަދިއްތިޔާ ރޯއީ ކަޕޫރް މިހާއު އުޅެނީ ބަތަލާ ސާރާ އަލީ ޚާންގެ ހިތް ފަތަހަކުރަން މަސައްކަތުގައި ކަމަށް ރިޕޯޓްތައް ބުނެފި އެވެ.

މި އަޑުތައް ފެތުރިފައިވަނީ ދާދި ފަހުން ޑައިރަކްޓަރު އަނޫރާގް ބާސޫގެ އުފަންދުވަހުގެ މުނާސަބަތުގައި ބޭއްވި ޕާޓީއެއްގައި އެ ދެތަރިން އެކުގައި ފެނުމުންނެވެ. މީގެ އިތުރުން ދެތަރިން އެކުގައި އަންނަނީ އަނޫރާގް ގެ ފިލްމް އެއްގައި މަސައްކަތް ކުރަމުންނެވެ.

އެއީ މި އަހަރުގެ ނޮވެމްބަރު 29 ގައި ގެނެސްދޭން ތާވަލުކޮށްފައި އޮތް އެންތޮލޮޖީ ފިލްމު "މެޓްރޯ: އިން ދި ނޯ" އެވެ. އެ ފިލްމް އަކީ ދެތަރިން އެކުގައި ފެނިގެންދާ ފުރަތަމަ ފިލްމްއެވެ.

 

View this post on Instagram

 

A post shared by T-Series (@tseries.official)

މީޑީއާގައި މީގެ ހަފްތާއެއްހައި ދުވަސް ކުރިން އެންމެ ބޮޑަށް ދެކެވުން އެއް ވާހަކަ އަކީ އަދިއްތިޔާ އާއި އަނަންނިޔާ ގެ ލޯބީގެ ގުޅުން ނިމުމަކަށް އައިސްފައިވާ ކަމުގެ ހަބަރެވެ. އަދި އެއާއެކުގައި އޭގެ މިހަފްތާގައި މީޑިއާއިން އެންމެ ބޮޑަށް ދައްކަމުން އަންނަ ވާހަކަ އަކީ އަދިއްތިޔާ އާއި ސާރާގެ ވާހަކައެވެ. އެދެމީހުން ޕާޓީ ކުރާ ވާހަކައިގެ އިތުރުން އަދިއްތިޔާ އަލުން ލަވައި ސާރާ އަށް ކޭކު ކާންދިން ވާހަކަ ތަށް ވެސް އަންނަނީ ހޫނުކަމާއި އެކުގައި ފެތުރެމުންނެވެ.

 

View this post on Instagram

 

A post shared by Ananya 💛💫 (@ananyapanday)

ކޮންމެއަކަސް މިހާރު އަޑުތައް އަރާފައިވާ ގޮތުން ކުރިން ބަތަލާ ޝްރަދާ ކަޕޫރާ ވެސް ރައްޓެހިވި އެކްޓަރުގެ ލޯ މިހާރު އަމާޒުވެފައި އޮތީ ސައިފް އަލީ ޚާންގެ ދަރިފުޅު ސާރާއަށެވެ. ނަމަވެސް މިކަމާއި ގުޅޭގޮތުން އަދި މިހާތަނަށް އެދެތަރިން ކުރެ އެއްވެސް ތަރިއެއް ވާހަކަ ދައްކައިފައިއެއް ނުވެއެވެ.