ރަންވީރު ސިންގް އަކީ ބޮލީވުޑްގެ ވަރަށް ތަފާތު އެކްޓަރެއް ކަމަށް ގިނަ ބަޔަކު ގަބޫލު ކުރެއެވެ. އެންމެ ބޮޑަށް ގިނަ ބަޔަކު އަޅައި ގަންނަ އެެއް ކަމަކީ އޭނާ ގެ ފެޝަން ސެންސްއެވެ. ވަރަށް ތަފާތު ގޮތަކަށް ސްޓައިލް ގެންގުޅޭ ރަންވީރު އަނެއްކައިވެސް މިވަނީ އޭނާގެ ސްޓައިލް ގެ ސަބަބުން ސުރުހީތަކުން ޖާގަ ހޯދައިފައިއެވެ.
އެގޮތުން ދާދި ފަހުން އިންޑިއާގެ މުމްބާއީގައި ހުޅުވި ގަހަނާ ފިހާރައެއް ކަމަށްވާ ޓިފަނީ އެންޑް ކޯ ހުޅުވުމުގެ ރަސްމިއްޔާތުގައި ބޮލީވުޑްގެ ތަރި ރަންވީރު ސިންހް ވަނީ ބައިވެރިވެފަ އެވެ.
Ranveer Singh looks dapper in his charming look as he arrives at Tiffany&Co store launch😎🔥 #ranveersingh pic.twitter.com/FHl0qYAhqR
— Viral Bhayani (@viralbhayani77) May 8, 2024
ރަންވީރުގެ އެ ފެނިލުމުން އާއްމުންނާއި މީޑިއާގެ ލޮލުގައި އެންމެ ބޮޑަށް އަޅައިގަތީ އެ ހަފްލާއަށް އޭނާ ހިޔާރުކުރި ތަފާތު ހެދުމާއި އެ ހެދުމާއެކު ބޭނުންކުރި ތަކެއްޗެވެ. މުޅި ހުދު މި އައުޓް ފިޓްގައި އޭނާ އަރައިގެން ހުރި ބޫޓް ގައި އާންމު ކޮން ފިރިހެން ބޫޓް ތަކާއި ހިލާފަށް އުސް ކަމަށް ވަނީ ފާހަގަ ކުރެވިފައިއެވެ. މީގެ އިތުރުން ހުދު ކުލައިގެ ގަމީހަކާއި ފަޓްލޫނެއް ލައިގެން ހުރިއިރު ކަރުގައި އޮތް ޓިފަނީ އެންޑް ކޯގެ ފަށުގައި ދެ ކްރޯޑް ރުޕީސްގެ އަގު ހުރި ކަމަށްވެ އެވެ.
Ranveer Singh snapped at the grand opening of Tiffany & Co India Flagship Boutique🤍🤍#RanveerSingh #TiffanyAndCo pic.twitter.com/cWIpIsdsO9
— DeepVeer TR🤰👨🍼 (@deepveergoals) May 8, 2024
ރަންވީރަކީ އާންމު ކޮށްވެސް ވަރަށް ތަފާތު ގޮތްގޮތަށް ހެދުން އަޅާ ސްޓާރެކެވެ. އަދި މިކަމުގެ ސަބަބުން ގިނަ ބައެއްގެ ފާޑުކިއުން ވެސް ވެސް އަމާޒުވެއެވެ. ނަމަވެސް މި ސްޓައިލް ކަމުދާ ބަޔަކު ވެސް އުޅެއެވެ.
