ބޮލީވުޑްގެ ސްޕަސްޓާރު ޝާހުރުކް ހާން އާއި އޭނާގެ އަންހެން ދަރިފުޅު ސުހާނާ ހާން އެކުގައި ފެނިގެންދާ ފުރަތަމަ ފިލްމް " ދަ ކިންގް" ކްރޫއާ ޝާހު ގުޅޭނީ ޖުލައި ނުވަތަ އޮގަސްޓް މަހުގެ ތެރޭގައި ކަމަށް ޝާހްރުކް ޚާން ބުނެފި އެވެ.
ސުހާނާ ޚާން ވަރުގަދަ ރޯލެއް ކުޅޭ މި އެކްޝަން ތުރިލާގައި ޝާހްރުކް ކުޅޭ ކެރެކްޓާ އަކީ ގްރޭ ޝޭޑްސް އެކުލެވޭ ވަރަށް ޝައުގުވެރި ކެރެކްޓާއެއްކަމަށް މީޑިއާއިން މީގެ ކުރިން ވަނީ ބުނެފައިއެވެ. މި ފިލްމް އަކީ މިދެބަފައިން އެކުގައި ކުޅޭ ފުރަތަމަ ފިލްމްއެވެ. ސުހާނާ ބޮލީވުޑްއަށް ތައާރަފްވީ ގިނަ ސްޓާކިޑުން ތަކަކާއި އެކުގައި ޑައިރެކްޓަރު ޒޯޔާ އަހްތަރު ގެ ފިލްމް "ދި އާޗީސް" އިންނެވެ. "ކިންގް" އަކީ ސުހާނާ ގެ ދެވަނަ ފިލްމްއެވެ.
View this post on Instagram
"ކިންގް" އަކީ ޝާކްރުކްގެ މިދިޔަ އަހަރުގެ "ޕަތާން" ގެ ޑައިރެކްޓަރު ސިދާތު އާނަންދުގެ މާފްލިކްސް އާއި އަމިއްލަ ފިލްމު ކުންފުނި، ރެޑް ޗިލީސް ގުޅިގެން ހަދަން ނިންމާފައިވާ ފިލްމެކެވެ. ކުރިން "ކިންގް" ގެ ޝޫޓިން ޕްލޭންކުރީ އެޕްރީލް/މެއިއަށެވެ.
ނަމަވެސް މިހާރު މިހާރު ކުރިއަށްދާ ކްރިކެޓް މުބާރާތް، އިންޑިއަން ޕްރީމިއާ ލީގް އައިޕީއެލް) ގައި ޝާހްރުކްގެ ޓީމް ކަލްކަތާ ނައިޓް ރައިޑާސް (ކޭކޭއާރް) ވާދަކުރަމުން އަންނަ އިރު، ޓިމަށް ހިތްވަރުދޭން ވަގުތު ހުސްކުރުމުގެ ގޮތުން ފިލްމުގެ ޝޫޓިން ފަސްކުރީ އެވެ.
