މީގެ ކުރިން އަޔުޝްމާން ކުރާނާ އާއި އެކުގައި ފިލްމް އެއް ކުޅެފައިވާ ބަތަލާ ވާނީ ކަޕޫރު އަޔުޝްމާން ގެ ކޮއްކޮ އަޕަރްޝަކްތީ ކްރާނާއާ އެކީ ވެސް ފިލްމެއްގެ މަސައްކަތް ފަށައިފި އެވެ.
މި ފިލްމަކީ ވިކީ އާއީ ނިކީ ބަގްނާނީ ޕްރޮޑިއުސްކުރާ "ބައްތަމިޒް ގިލް" އެވެ. މީގައި އަޕަރްޝަކްތީ ކުޅެނީ ވާނީގެ ބޭބެއެއްގެ ރޯލެވެ. އަދި އެ މީހުންގެ ބައްޕަގެ ރޯލު ފިލްމުގައި ކުޅެނީ ޕަރޭޝް ރާވަލެވެ.
އިންޑިއާގެ އިތުރުން އިންޑިއާއިން ބޭރުގައި ވެސް ފިލްމް ގެ މަންޒަރު ތަކެއް ނަގަން ހަމަޖެހިފައިވާ މި ފިލްމް ގެ ޝޫޓިން ފަށައިފައިވަނީ އިންޑިއާގައިއެވެ. ނަމަވެސް ފިލްމް ގެ ބައެއް ލަންޑަން ގައި ވެސް ނަގާނެ ކަމަށް ހަބަރުތަށް ބުނެއެވެ.
މީގެ ޑައިރެކްޓަރަކީ 2020 ގެ ރޮމޭންޓިކް ކޮމެޑީ "ޖޭ މަންމީ ދީ" ގެނެސްދިން ނަވްޖޯތު ގުލާޓީ އެވެ. މި ފިލްމް އަކީ ވާނީ އާއި އަޕަރްޝަކްތީ އެކުގައި ފެނިގެންދާ އަލަތު ފިލްމްއެވެ.
އަޕަރްޝަކްތީއާ އެކީ ވާނީ ފިލްމެއްގެ މަސައްކަތް ފެށި އިރު، އޭނަގެ ބޭބެ އަޔޫޝްމަނާއި ވާނީ އެކީގައި ކުޅުނު ފިލްމަކީ 2021 ގެ ރޮމޭންޓިކް ޑްރާމާ "ޗަންދީގަޅް ކަރޭ އާޝިގީ" އެވެ. ބެލުންތެރިންގެ ބޮޑު ތަރުހީބެއް މި ފިލްމް އަށް ލިބިގެންދިއައެވެ.
ކޮމެންޓު ފޮނުވާ