ޓީވީ ސިލްސިލާ ޑްރާމާ ތަކުން ބެލުންތެރިންގެ ބޮޑު މަގުބޫލު ކަމެއް ހޯދައިފައިވާ އަދި މިހާރު ބޮލީވުޑްގެ ފިލްމް ތަކުން ވެސް ފެނިގެންދާ ބަތަލާ އަންކިތާ ލޯކަންޑޭ އަށް ކަރަން ޖޯހަރްގެ ދަރުމާ ޕްރޮޑަކްޝަނުން ދިން ފުރުސަތު ގަބޫލުނުކޮށް ދޫކޮށްލައިފި އެވެ.
ބޮލީވުޑްގެ މަޝްހޫރު ޑައިރެކްޓަރު އަދި ޕްރޮޑިއުޝަރު ކަރަން ޖޯހަރުގެ ވެބް ސީރީޒަކުން އަންކިތާއަށް ވަނީ ފުރުސަތު ލިބިފަ އެވެ. އެއީ 2012 ވަނަ އަހަރު ގެނެސްދިން ކާމިޔާބު ފިލްމު ސްޓޫޑެންޓް އޮފް ދި އިޔާ ގެ ތިން ވަނަ ބައެވެ. މިފަހަރު ފިލްމުގެ ބަދަލުގައި "ސްޓޫޑެންޓް އޮފް ދި އިޔާ 3″ އުފައްދަނީ ވެބް ސީރީޒެއްގެ ގޮތުގަ އެވެ.
View this post on Instagram
ވެބް ސީރީޒް ގެ ފޯރި ވަރަށް ބޮޑަށް ވަނީ މިހާރު ބޮލީވުޑްގައި ވަކި ހިއްޕާލައިފައިއެވެ. ވެބް ސީރީޒް ތަކަށް ބެލުންތެރިން ދޭ ސަމާލު ކަން ބޮޑު ވުމާއި އެކުގައި ގިނަ ޑައިރެކްޓަރުގެ ލޯތަށް މިހާރު ވަނީ އެދިމާލާށް އަމާޒުވެފައިއެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ އަންކިތާ އަށް ކަރަން ހުށަހެޅީ ސީރީޒްގެ ވަރަށް މުހިއްމު، ބޮޑު ރޯލެއް ކަމަށެވެ. ނަމަވެސް އެ ހުށަހެޅުން އޭނަ ގަބޫލުނުކުރީ ކޮން ސަބަބަކާ ހުރެ ކަމެއް ސާފެއް ނުވެ އެވެ.
View this post on Instagram
"އަމްރަޕާލީ" ކިޔާ ވެބް ސީރީޒަކަށް މިދިޔަ މަހު އަންކިތާ ސޮއިކޮށްފައިވާ އިރު، އޭނަ އެންމެ ފަހުން ފެނިފައި ވަނީ އެކްޓަރު ރަންދީޕް ހޫޑާ ކުޅެ، ޑައިރެކްޓްކޮށް މާޗް މަހު ގެނެސްދިން ފިލްމު "ސްވަންތަރިއާ ވީރު ސަވަރްކަރް" އިންނެވެ.
