އަކްޝޭ ކުމާރު ސައުތުގެ ފިލްމް އެއް ކުޅުމަށް ތައްޔާރުވަމުން އަންނަކަން އިއުލާން ކުރުމަށްފަހު ފިލްމް ގެ ނަންވެސް ހާމަ ކޮށްފިއެވެ.
ސައުތުގެ ފިލްމް އެއް ކަމުގައިވާ "ކަންނާޕާ" އިން އަކްޝޭ ފެންނާނެ ކަން ފިލްމުގެ ޑައިރެކްޓަރު ވިސްނު މަންޗޫ ވަނީ ދާދި ފަހުން އޭނާ ސޯޝަލް މީޑިއާގައި ކުރި ޕޯސްޓެއްގައި ޔަގީންކޮށްދީފަ އެވެ. މިއީ އަކްޝޭ ސައުތުގެ ފިލްމް އަކުން ފެނިގެންދާނެ ފުރަތަމަ ފަހަރެވެ.
ގިނަ ބައެއްގެ މަގުބޫލުކަން މިހާރު ލިބިފައިވާ ދެކުނު އިންޑިއާގެ ސިނަމާގެ ފިލްމަކުން އަކްޝޭ އަށް ފުރުސަތު ލިބުމުން، އޭނާގެ ސަޕޯޓަރުންގެ ފަރާތުން ތައުރީފުގެ ބަސްތައް ދަނީ އޮހެމުންނެވެ.
އަކްޝޭގެ އިތުރުން މި ފިލްމުގައި ދެކުނު އިންޑިއާގެ އެކްޓަރުން ކަމަށްވާ ޕްރިޓީ މުކުންދަން، މޮހަންލާލް، ޕްރަބާސް، މޯހަން ބާބޫ، އާރް ސަރަތުކުމާރު، ބްރަަމަނަންދަމް، މަދޫ އަދި މުކޭޝް ރިޝީ އުޅޭނެ އެވެ.
ކޮމެންޓު ފޮނުވާ