އަންހެން ތަރިން ތަކަކާއި އެކުގައި މަޝްހޫރު ޑައިރެކްޓަރު ސަންޖޭ ލީލާ ބަންސާލީ ހަދައިފައިވާ އޭނާގެ އަލަތު ވެބް ސީރީޒް "ހީރާމަންޑީ: ދަ ޑައިމަންޑް ބާޒާރު" ތަރިންގެ ތާއަރްފްތަށް ވަކި ވަކިން ދައްކައިލައިފިއެވެ.
އަންނަ މަހުގެ 1 ވަނަ ދުވަހުގައި ޕްރިމިއާ ކުރުމަށް ތައްޔާރުވަމުން އަންނަ މި ވެބް ސީރީޒް މިހާރު އަންނަނީ ބާރު ސްޕީޑުގައި ޕްރޮމޯޓް ކުރަމުންނެވެ. އެގޮތުން ޕޯސްޓަރާއި ޓްރެއިލާވެސް މިހާރު ވަނީ ބެލުންތެރިންނަށް ދައްކައިލައިފައިއެވެ.
View this post on Instagram
މީގެ މައިގަނޑު ބަތަލާއިންގެ ތެރޭގައި ސޮނާކްޝީ ސިންހާ، މަނީޝާ ކޮއިރަލާ، އަދިތީ ރާއޯ ހައިދަރީ، ރިޗާ ޗައްޑާ، ސަންޖީދާ ޝެއިހް އަދި ޝަރުމިން ސޭގަލް ހިމެނެ އެވެ. "ހީރާމަންޑީ" ގެ ބަތަލުންގެ ތެރޭގައި ފަރުދީން ޚާނާއި ޝޭކަރް ސުމަން އާއި އޭނަގެ ދަރިފުޅު އަދިޔަޔަން ސުމަންގެ އިތުރުން ތާހާ ޝާހް ހިމެނެ އެވެ.
View this post on Instagram
ނެޓްފްލިކް އާއި ގުޅިގެން ސަންޖޭ ގެނެސްދޭމި ވެބް ސީރީޒް އަކީ ސަންޖޭގެ ފިލްމްތަކުގައި ހުންނަ ފަދަ ރަހަގަނޑާއި އެކުގައި ގެނެސްދޭ އެއްޗެކެވެ. މިހާރު އާންމު ކޮށްފައިވާ ބައެއް ޓްރެއިލާ ތަކުންވެސް އެކަން ފެނިގެންދެއެވެ.
View this post on Instagram
ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
