ބޮލީވުޑްގެ މަޝްހޫރު ޑައިރެކްޓަރު ސާޖިދު ހާން ގެ ކުރިއަށް އޮތް ފިލްމް "100 ޕަސެންޓް" މިހާރު އޮތީ ވާނުވާގައި ކަމަށް ރިޕޯޓްތަށް ބުނެފިއެވެ.
މި ފިލްމް އަކީ މީގެ ދެ އަހަރު ކުރިން ސާޖިދު އިއުލާން ކުރި ފިލްމްއެކެވެ. ނަމަވެސް އަދާ ހަމައަށް ވެސް ފިލްމް ގެ އެއްވެސް އަމަލީ މާސައްކަތެއް ކުރެވިފައިއެއް ނުވެއެވެ. ފިލްމް ޕްރޮޑިއުސް ކުރަނީ ޓީ ސީރީޒްއިންނެވެ.
ބައެއް މީޑިއާތަކުން ބުނީ އޮގަސްޓް 29، 2022 ގައި އިއުލާންކޮށް މިދިޔަ އަހަރުގެ ނޮވެމްބަރުގައި ގެނެސްދޭން ޕްލޭންކުރި ފިލްމުގެ މަސައްކަތް އެއްވެސް ގޮތަކަށް ކުރިއަށް ނުގޮސް ހުއްޓިފައި އޮތީ އޭގެ ކާސްޓްގައި ހިމެނުނު ޖޯން އަބްރަހަމް ފިލްމުން ވަކިވުމުން ކަމަށް ވެއެވެ.
ޖޯންއާ އެކީ "100 ޕަސެންޓް" ގެ ކާސްޓަށް ނެގި ތަރިންގެ ތެރޭގައި ނޯރާ ފަތުހީ އާއި ރިދޭޝް ދޭޝްމުކްގެ އިތުރުން ޝެހެނާޒް ގިލް (ސަނާ) ހިމެނެ އެވެ. ފާހަގަ ކޮށްލެވޭ ކަމަކީ ޖޯން އަކީ މީގެ ކުރިންވެސް ސާޖިދް އާއި އެކުގައި މަސައްކަތް ކުރި އެކްޓަރެއް ކަމެވެ. އެއީ 2012 ގެ "ހައުސްފުލް 2″ އެވެ.
View this post on Instagram
"100 ޕަސެންޓް" ވާނުވާގައި އޮތް އިރު، މަޝްހޫރު ކޮރިއޮގްރާފަރު/ޑައިރެކްޓަރު ފަރާ ޚާންގެ ކޮއްކޮ، ސާޖިދުގެ އެންމެ ފަހުގެ ފިލްމަކީ 2014 ގެ ފްލޮޕް ފިލްމު "ހަމްޝަކަލްސް" އެވެ.
