ކުރިއަށް ވުރެެވެސް ބޮޑަށް މިހާރު ފިލްމް ތަކުން ފުރުސަތު ނުލިބޭ ކަމަށާއި އެކަމުގެ ސަބަބުން ހުރި ހުނަރުތަށް ދައްކައިލުމަށް ފުރުސަތު ގެއްލިފައިވާ ކަމަށް ބަތަލާ ޕަރިނީތީ ޗޯޕްރާ ބުނެފިއެވެ.
ދާދި ފަހުން މީޑިއާއަށް ދިން އިންޓަވިއުއެއްގައި ޕަރިނީތީ ވަނީ ފިލްމީ ދާއިރާގައި ލިބޭ ފުރުސަތުތައް މަދުވާ ކަމަށް ބުނެ ވާހަކަ ދައްކާފަ އެވެ. ޕަރިނީތީގެ އެންމެ ފަހުގެ ފިލްމް "ޗަމްކީލާ" އަށް އަންނަނީ ބޮޑޫ ތަރުހީބެއް ލިބެމުންނެވެ.
އެކަމާއި އުފަލުން ހުރި ބަތަލާ ޕިންކްވިލާ އަށް ދިން އިންޓަވިއުއެއްގައި ބުނީ ކެރިއަރުގައި އެންމެ ބޮޑު އުފާވެރި ކަމެއް ވެސް ގެނެސްދިން ފިލްމަކީ އެއީ ކަމަށެވެ. އެގޮތުން ޑައިރެކްޓަރު އިމްތިއާޒް އަލީއާ އެކީ މަސައްކަތް ކުރަން ލިބުމާއި އެކްޓަރު ދިލްޖީދު ދޮސަންޖާ އެކީ މަސައްކަތް ކުރަން ލިބުމަކީ ވަރަށް ހިތްގައިމު ތަޖުރިބާއެއް ކަމަށް ޕަރިނީތީ ބުންޏެވެ.
View this post on Instagram
"ޗަމްކީލާ" ގައި ޕަރިނީތީ އާއި ދިލްޖީތު ކުޅުނީ ޕަންޖާބްގެ ކުރީގެ މަޝްހޫރު މިއުޒިކީ ދެމަފިރިން ކަމަށްވާ އަމަރު ސިންގް ޗަމްކީލާ އާއި އަމަރުޖޯތު ކޯރްގެ ރޯލެވެ. މި ފިލްމް އަށް ބެލުންތެރިންގެ ބޮޑު ތަރުހީބެއް ލިބެމުން އަންނަ ކަމަށެވެ.
ޕަރިނީތީ، 35، ބޮލީވުޑަށް ނުކުތީ ޔާޝްރާޖް ފިލްމްސް (ވައިއާރްއެފް) ގެ 2011 ގެ "ލޭޑީސް ވާސަސް ރިކީ ބާލް" އިންނެވެ. އޭނަގެ ކެރިއަރުގައި މިހާތަނަށް މާ ހާއްސަ ފިލްމެއް ކުޅެވިފައެއް ނެތެވެ. އަދި އިންޑަސްޓްރީގެ އެންމެ ނަން ހިނގާ ޑައިރެކްޓަރުންނާ އެކީ މަސައްކަތް ކުރަން ފުރުސަތެއް ވެސް ނުލިބެ އެވެ.
