ޑްރާމާ ސިލްސިލާ ތަކުން އާންމުންގެ މެދުގައި ބޮޑު މަގުބޫލު ކަމެއް ހޯދާފައިވާ ބަތަލާ އަންކިތާ ލޯކަންޑޭ އަށް ބޮޑު ވެބް ސީރީޒަކުން ފުރުސަތު ލިބިއްޖެ އެވެ.
ބައެއް ފިލްމް ތަކުންވެސް ފެނިގެން ގޮސްފައިވާ ބަތަލާ އަށް ލިބިގެން ގޮސްފައިވަނީ ޕްރޮޑިއުސަރު ސަންދީޕް ސިންގް ޕްރޮޑިއުސްކުރާ "އަމަރުޕާލީ" އެވެ. މީގައި އަންކިތާ ކުޅޭނީ އިންޑިއާގެ ކުރީގެ ޖާރިއާއެއް ކަމަށްވާ "އަމަރްޕާލީ"ގެ ރޯލެވެ.
މި ސީރީޒްގެ މިއުޒިކް ހަދާނީ އިސްމާއީލް ދަރުބާރާ އެވެ. އިސްމާއީލް އަކީ ބޮލީވުޑްގެ އެންމެ ކާމިޔާބު ފިލްމް ތަށް ކަމުގައިވާ "ހަމް ދިލް ދޭ ޗުކޭ ސަނަމް" އާއި "ދޭވްދާސް" ގެ ހިތްގައިމު މިއުޒިކް ތައްޔާރުކޮށްދިން ހުނަރުވެރިއާއެވެ.
View this post on Instagram
ސިލްސިލާ "ޕަވިތުރަ ރިޝްތާ" އިން އާންމުންގެ ލޯބި ހޯދި އަންކިތާ ބުނީ "އަމަރުޕާލީ" ކުޅެން ލިބުމަކީ ވަރަށް ބޮޑު އުފަލެއް ކަމަށާއި އޭނަ ދެން ޕްރޮޖެކްޓްތައް ހޮވާނީ ވަރަށް ފަރުވާތެރިކަމާ އެކީގައި ކަމަށެވެ.
އަންކިތާ ފެނިފައިވާ ފިލްމުތަކުގެ ތެރޭގައި "މަނިކަރްނިކާ: ދި ކްއީން އޮފް ޖާންސީ" އާއި "ބާގީ 3″ ހިމެނެ އެވެ.
