ޑައިރެކްޓަރު އަނޫރާގް ބާސޫގެ އެންތޮލޮޖީ ފިލްމު "މެޓްރޯ: އިން ދިނޯ" ގެނެސްދޭ ތާރީހު އަނެއްކާ ފަސްކޮށްފި އެވެ.
ކުރިން މިދިޔަ އަހަރުގެ ޑިސެމްބަރު 8 އަށް ޕްލޭންކުރި ފިލްމު މި އަހަރަށް ފަސްކޮށް، ކަނޑައެޅި އާ ތާރީހަކީ މާޗް 29 އެވެ. ނަމަވެސް އެ ތާރީހު ފަހަނަޅައިދިޔަތާ މަހެއްހާ ދުވަސް ފަހުން މިއަދު ބުނީ ފިލްމި ބެލުންތެރިންނަށް ގެނެސްދޭނީ މި އަހަރުގެ ނޮވެމްބަރު 29 ގައި ކަމަށެވެ.
އަނޫރާގް ބާސޫ ޑައިރެކްޓުކޮށް 2007 ވަނަ އަހަރު ރިލީޒްކޮށްފައިވާ ފިލްމު "ލައިފް އިން އެ މެޓްރޯ" ގެ ދެވަނަބައިން ފެނިގެންދާނީ ސާރާ އަލީ ޚާނާއި އަދިތިޔާ ރޯއި ކަޕޫރު އެވެ. މި ފިލްމް އެޅުވުމަށް ނިންމައިފައިވަނީ މި އަހަރުގެ ޑިސެމްބަރު މަހުގެ 8 ވަނަ ދުވަހުގައިއެވެ. ނަމަވެސް ފިލްމް ފަސްކޮށްފައި ވަނީ އަންނަ އަހަރުގެ މާޗް 29 ގަ އެވެ.
View this post on Instagram
ބުޝަން ކުމާރުގެ ޓީ ސީރީޒާ ގުޅިގެން ހަދާ "މެޓްރޯ…އިން ދިނޯ" ގެ ކާސްޓްގައި ސާރާ އަލީ ޚާން، އަދިތިޔާ ރޯއި ކަޕޫރް، އަނޫޕަމް ކޭރް، ނީނާ ގުޕްތާ، އަލީ ފަޒަލް، ފާތިމާ ސަނާ ޝައިހް، ކޮންކޮނާ ސެން ޝަރުމާ އަދި ޕަންކަޕް ޓްރިޕަތީ ހިމެނެ އެވެ.
