"ދޯ އޯރް ދޯ ޕިޔާރު" ގެ އިތުރު ލަވައެއް ބެލުންތެރިންނަށް ދޫކޮށްލައިފިއެވެ.
ޒަމާނީ ލޯބީގެ ވާހަކައެއް ކިޔައިދޭ ފިލްމަކީ އަންނަ މަހުގެ 19 ގައި ސިނަމާތަކަށް ގެންނަން ހަަމަޖެހިފައިވާ ފިލްމް އެކެވެ. މި ރޮމޭންޓިކް ކޮމެޑީގެ ކާސްޓްގައި އިލިއާނާ ޑި ކްރޫޒާއި ޕްރަތީކް ގާންދީގެ އިތުރުން އާންމުކޮށް ހޮލީވުޑްގެ އުފެއްދުންތަކުން ފެންނަ އެކްޓަރު ސެންދިލް ރާމަމުރްތީ ވެސް ހިމެނެ އެވެ. މިހާރު ޓްރެއިލާ ވެސް އަދި ޕޯސްޓަރުތަށް ވެސް އާންމު ކޮށްފައިވާ މި ފިލްމްގެ ޕްރޮމޯޝަން ތަށް ދަނި ވަރަށް ބާރަށް ކުރިއަށެވެ.
"ތަރަރާ ތަރަރާ" ގެ ނަން ދީފައިވާ މި ލަވައިން މައިގަނޑު ހަތަރު ތަރިން ފެނިގެންދާއިރުގައި މި ލަވަ ކިޔައިފައިވަނީ ބޮލީވުޑް އަށް ރީތި ލަވަތަކެއް ކިޔައިދީފައިވާ މަޝްހޫރު މިއުޒިކް ކޮމްޕޯޒާ ވިޝާލް ދަދްލާނީއެވެ.
"ދޯ އޯރް ދޯ ޕިޔާރު" ގެ ޑައިރެކްޓަރަކީ އަލަށް ފީޗާ ފިލްމެއް ޑައިރެކްޓްކުރި ޝިރްޝާ ގުހާ ތާކޫރްތާ އެވެ. ކާމިޔާބު އެތައް ފިލްމެއް ކުޅެ، ނެޝަނަލް އެވޯދް ވެސް ހޯދާފައިވާ ވިދިއާގެ އެންމެ ފަހުގެ ފިލްމަކީ މިދިޔަ އަހަރުގެ މިސްޓްރީ ފިލްމު "ނީޔަތު" އެވެ.
