އިންޑިއާގެ މަޝްހޫރު އަދި ކާމިޔާބު އެކްޓަރު ރާމް ޗަރަން އަށް ޗެންނާއީގެ ވެލްސް ޔުނިވަސިޓީން، އޮނަރަރީ ޑޮކްޓަރަޓޭޓްގެ ޝަރަފު އަރުވައިފި އެވެ.
ކާމިޔާބު އެތަށް ފިލްމް އެއް ކުޅެފައިވާ ރާމް އަށް އެ ޝަރަފު އެރުވީ ހިންދީ ސިނަމާ އަށް އޭނަ ކޮށް ދެމުން އަންނަ ހިދުމަތްތަކުގެ އަގުވަޒަންކޮށެވެ. އޭނާ އަކީ ހިންދީ ސިނަމާގައި ކާމިޔާބު ތަރިއެކެވެ.
ސައުތުގެ އިންޑަށްޓްރީގެ އެންމެ މަޝްހޫރު އެއް ތަރި އަށް މި ޝަރަފު އެރުވުމާއި ގުޅިގެން އެވާހަކަތަށް ސޯޝަލް މީޑިއާގައި ހިއްސާކޮށް އޭނަ ބުނީ މިއީ ލިބުނު ވަރަށް ބޮޑު އުފަލަކާއި ފަހުރެއް ކަމަށެވެ. މި އެވޯޑް އެރުވި ހަފްލާގައި ރާމްގެ އަންހެނުން އުޕާސްނާ ކާމިނޭނީ ވެސް ބައިވެރިވިއެވެ.
View this post on Instagram
އޮނަރަރީ ޑޮކްޓަރޭޓްގެ ޝަރަފާ އެކީ ޗަރަންގެ ނަމުގެ ކުރިއަށް ދެން ޑޮކްޓަރު ބޭނުން ކުރެވޭނެ އެވެ. ރާމް ފާހަގަ ކުރެވިގެން ގޮސްފައިވަނީ ސައުތުގައި އެންމެ ނުފޫޒު ގަދަ ތަރިންގެ ތެރޭގައިއެވެ.
ތަފާތު އެކި އެވޯޑްތައް ވެސް ހޯދާފައިވާ ޗަރަން، 39، އަށް އެކްޓިން އަށް ނުކުތީ 2007 ގެ "ޗިރުތާ" އިންނެވެ. 2022 ވަނަ އަހަރު އެންމެ ކާމިޔާބު ފިލްމުތަކުގެ ތެރޭގައި ހިމެނޭ ޑައިރެކްޓަރު އެސްއެސް ރާޖަމޯލީގެ "އާރްއާރްއާރް" ގައި އޭނާ ލީޑުން ފެނިގެންދިއަ އިރުގައި މި ފިލްމް ވެގެން ގޮސްފައިވަނީ އިންޓަނޭޝަންލ އެވޯޑް ތަކެއްވެސް ހާސިލު ކުރި ފިލްމް އަކަށެވެ.
