އިންޑިއާގެ ކުޅަދާނަ ޑައިރެކްޓަރު ސަންޖޭ ލީލާ ބަންސާލީގެ ފުރަތަމަ ވެބް ސީރީޒް "ހީރާމަންޑީ: ދަ ޑައިމަންޑް ބާޒާރު" ޓްރެއިލާ ދައްކާލައިފިއެވެ.
މީގެ މައިގަނޑު ބަތަލާއިންގެ ތެރޭގައި ސޮނާކްޝީ ސިންހާ، މަނީޝާ ކޮއިރަލާ، އަދިތީ ރާއޯ ހައިދަރީ، ރިޗާ ޗައްޑާ، ސަންޖީދާ ޝެއިހް އަދި ޝަރުމިން ސޭގަލް ހިމެނެ އެވެ. "ހީރާމަންޑީ" ގެ ބަތަލުންގެ ތެރޭގައި ފަރުދީން ޚާނާއި ޝޭކަރް ސުމަން އާއި އޭނަގެ ދަރިފުޅު އަދިޔަޔަން ސުމަންގެ އިތުރުން ތާހާ ޝާހް ހިމެނެ އެވެ.
View this post on Instagram
ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
މި ސީރީޒް އަންނަ މަހުގެ 1 ގައި ނެޓްފްލިމްސް އިން ޕްރީމިއާކުރާނެ އެވެ. ކާމިޔާބު ފިލްމުތަކެއް ގެނެސްދީފައިވާ ޑައިރެކްޓަރުގެ އެންމެ ފަހުގެ ފިލްމަކީ 2022 ގެ "ގަންގޫބާއީ ކަތިއަވާޅީ" އެވެ.
