ބޮލީވުޑްގެ ޒުވާން ދެ ތަރިންގެ ރޮމޭންޓިކް ކޮމެޑީ "ނާދާނިޔާން" ގެ ޝޫޓިން ނިންމައިފި އެވެ.
މި ފިލްމް އަކީ މިދެތަރިން އެކުގައި ފެނިގެންދާ އަލަތު ފިލްމްއެވެ. ފިލްމްގެ ލީޑުން ދެތަރިން ފެނިގެންދާއިރުގައި އިބްރާހިމް އަދި ބޮލީވުޑް އަށް ތައާރަފް ވެފައިއެއް ނުވެއެވެ. ހުށީ ވަނީ މިދިއަ އަހަރު ނެޓްފްލިކްސް އިން ގެނެސްދިން "ދި އާޗީސް" އިން ފެނިގެން ގޮސްފައިއެވެ.
ކަރަން ޖޯހަރުގެ ދަރްމާ ޕްރޮޑަކްޝަން އިން ގެނެސްދޭ މި ފިލްމުން އައު ޑައިރެކްޓަރެއް ވެސް ބޮލީވުޑް އަށް ލިބިގެންދާނެއެވެ. އެއީ އަލަށް ޑައިރެކްޝަނަށް ނުކުންނަ ޝައުނާ ގޯތަމްއެވެ. ޝޫޓިން ނިންމައިލި ވާހަކަ މީގެ ޑައިރެކްޓަރު ޝައުނާ ގޯތަމް އިއްޔެ އިންސްޓގްރާމްގައި ވެސް ހިއްސާކޮށްފައިވެ އެވެ.
View this post on Instagram
ނަމަވެސް މި ފިލްމު އަދި ދަރުމާ އިން ރަސްމީކޮށް އިއުލާނެއް ނުކުރެ އެވެ. ނަމަވެސް ދެން ލަހެއް ނުވެ ފިލްމް އިއުލާން ކުރާނެ ކަމަށް ބެލެވއެވެ. ރިޕޯޓްތައް ބުނާ ގޮތުން މީގެ ކާސްޓްގައި ސުނިލް ޝެޓީ ވެސް ހިމެނެ އެވެ.
View this post on Instagram
"ނާދާނިޔާން" ގެ މަސައްކަތް އިބްރާހީމް ނިންމައިލި އިރު، އޭނަ ބޮލީވުޑަށް ތައާރަފުކުރާނީ ދަރުމާ އިން މި އަހަރު ގެނެސްދޭން ހަމަޖެހިފައިވާ "ސަރުޒަމީން" އިންނެވެ. ކެޔޯޒް އިރާނީ ޑައިރެކްޓްކޮށް، ކާސްޓްގައި ކާޖޮލް އާއި ޕްރިތުވީރާޖް ސުކްމަރަން ވެސް ހިމެނޭ މި ފިލްމުގެ މަސައްކަތް މިދިޔަ އަހަރު އޮތީ ނިންމައިފަ އެވެ.
