ބެލުންތެރިންގެ ބޮޑު މަގުބޫލު ކަމެއް ހޯދި ފިލްމް "ފައިޓާ" ނެޓްފްލިކްސް އަށް ދޫކޮށްލައިފި އެވެ.
ޖެނުއަރީ 25 ގައި ރިލީޒްކުރި މި ފިލްމް ނެޓްފްލިކްސް އަށް ދޫކޮށްލައިފައިވާ އިރުގައި މި ފިލްމްގެ ލީޑުން ފެނިގެން ދިއައީ ރިތިކް ރޯޝަން އާއި ދީޕިކާ ޕަދުކޯންއެވެ. ބޮލީވުޑްގެ އޭ ލިސްޓްުގެ ދެ ތަރިން ކަމުގައިވާ ރިތިކް ރޯޝަން އާއި ދީޕިކާ ޕަދުކޯން އެކުގައި ފެނިގެންދާ ފުރަތަމަ ފިލްމް، އަކީ ބޮލީވުޑްގެ ފުރަތަމަ އޭރިއަލް އެކްޝަން ތުރިލާ އެވެ.
މި ފިލްމްގެ ވާހަކަ ބިނާކޮށްފައި ވަނީ އިންޑިއާގެ ވައިގެ އަސްކަރީ އޮފިސަރުންގެ ގައުމީ ހިދުމަތަށެވެ. އެހެންވެ ފައިޓަރޖެޓްގެ ވަރަށް ގިނަ ހާދިސާތަކެއް މިފިލްމުން ފެނިގެންދާނެއެވެ.
މި އަހަރު ގެނެސްދިން ޝާހްރުކް ޚާންގެ ކާމިޔާބު ފިލްމް "ޕަތާން" ގެ ޑައިރެކްޓަރު ސިދާތު އާނަންދު ގެނެސްދޭ "ފައިޓާ" އަކީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައި ގެނެސްދޭ އެއްޗެކެވެ.
ދީޕިކާ އާއި ރިތިކް ލީޑުން ފެނިގެންދާ މި ފިލްމުގެ މުހިންމު ރޯލަކުން އަނިލް ކަޕޫރު ވެސް ފެނިގެން ދާނެއެވެ. ފިލްމުގެ ވާހަކަ ލިޔެފައި ވަނީ ވެސް ސިދާތެވެ. ފިލްމު ގެނެސްދެނީ އޭނަގެ ފިލްމު ކުންފުނި މާފްލިކްސް ޕިކްޗާސް އާއި ވަޔަކޮމް 18 ގުޅިގެންނެވެ.
