މާލޭގެ މަގުމަތީގަ ހުންނަ ގިނަ ދުވަސްވީ އުޅަނދުތައް ޓޯކޮށް، ނައްތާލަންޖެހޭ ތެކެތި ނައްތާލުމަށްޓަކާ ސްކްރެޕް ޔާޑެއް ވިޔަފާރީގެ އުސޫލުން ހިންގުމަށް ބޭނުންވާ ބިން ހޯދުމުގެ މަސައްކަތް ކުރަމުންދާ ކަމުގައި ޓްރާންސްޕޯޓު މިނިސްޓަރ މުހައްމަދު އަމީން ވިދާޅުވެއްޖެއެވެ.
އޭނާ މިހެން ވިދާޅުވީ ރައްޔިތުންގެ މަޖިލިހުގެ ކޮމިޓީގައި ވާހަކަ ދައްކަވަމުންނެވެ.
ކޮމިޓީގައި ވާހަކަ ދައްކަވަމުން އަމީން ވިދާޅުވީ މިކަމަށްވެސް ޕްލޭނެއް އެބައޮތް ކަމަށާއި، މިދުވަސްވަރަކީ މާލޭގެ ބިންތަކުގެ ޕްލޭން ހަދަމުންދާ ދުވަސްވަރަކަށް ވުމުން އެކަމަށް ބިމެއް ހޯދުމަށް 10 ވަރަކަށް ދުވަހުގެ ތެރޭގައި ހުށައަޅާނެ ކަމަށެވެ.
އޭނާ ވިދާޅުވީ މަހުމަތީގައި ހުންނަ ތަކެތި ޓޯ ކުރުމަކީ ކޮންމެހެން ފުލުހުން ކުރާންޖެހޭ މަސައްކަތެއް ނޫންކަމަށާއި، އެއީ ވިޔަފާރީގެ އުސޫލުން ދޫކޮށްލެވިދާނެ ކަމެއް ކަމަށެވެ. އެގޮތުން މިހާރުގެ ވިސްނުމަކީ ސްކްރެޕްޔާޑެއް ހިންގުން ވިޔަފާރީގެ އުސޫލުން ދޫކޮށްލުންކަމަށްވެސް އޭނާ ވިދާޅުވިއެވެ.
މިސާލަކަށް ސިންގަޕޯރ އޮސްޓްރޭއި ނެގޭގޮތަށް، ސްކްރެޕް ނޫނިއްޔާ ޓޯ ކުރުމަކީ ކޮންމެހެންނެއް އަބަދު ޕޮލިހުން ކުރަންޖެހޭ ކަމަކަށް ހަދައިގެން ތިބޭކަށް ނުޖެހޭ. އެހެންވީމަ އެވެސް ވިޔަފާރީގެ އުސޫލުން އާރްއެފްޕީއަށް ހުޅުވާލައިގެން ހަމަ ސްކްރެޕްޔާޑެއް ހިންގާނެ ބަޔަކު މިގައުމަށް ހޯދަން މިހާރު ބޭނުންވާ ހާލަތަށް ގޮއްސަ މިއޮތީ. އެހެންވީމަ އެއަށްވެސް ހަމަ ރަގަޅު ޕްލޭނެއް ހަދާފަ، އެއަށް ބޭނުންވާ ބިން. އެހެންވީމަ މި ތިން ކަންތަކަށް ޓެކްސީ ލައިންއާއި، އޮޓޮމޯބައިލްސްއާއި ސްކްރެޕް ޔާޑާއި، މިކަންތައްތަކަށް ބިން ހޯދުމަށްޓަކާ އަޅުގަޑު މިހާރު ޕޭޕަރެއް ތައްޔާރު ކޮށްފިން.
ޓްރާންސްޕޯޓު މިނިސްޓަރ އަމީން ވިދާޅުވިއެވެ.
އޭނާ ވިދާޅުވީ، ވަރަށް އަވަހަށް މިކަން އިކޮނޮމިކް ކައުންސިލަށް ހުށަހަޅާނޭ ކަމަށާއި، މިއީ މާލޭ ސަރަހައްދުގަ ބިންތައް ޕެލޭން ކުރަމުންދާ ދުވަސްވަރަކަށް ވީމަ، އެކަންތައްތަކަށް ބިން ހޯދުމަށް ކުރިޔަށް އޮތް 10 ވަރަކަށް ދުވަހުގެ ތެރޭގައި ހުށަހަޅާނެ ކަމަށެވެ.
