ދިވެހި ރާއްޖޭގެ ބިމަކީ ބަރަކާތްތެރި ފަސްގަޑެއް ކަމަށާއި، އެންމެހާ ނުބައި ރޭވުންތަކުން މި ވަޠަން ސަލާމަތް ކުރުމަށްޓަކާ އެންމެ އެކަތިގަޑަކަށް ވާންޖެހޭ ކަމުގައި މިއަދުގެ ހުކުރު ޚުޡުބާގައި ވިދާޅުވެއްޖެއެވެ.
"ވަޠަންދެކެ ލޯބިވުން" މި މައުޟޫއަށް ޚާއްސަ ކުރެވިގެންދިޔަ މިއަދުގެ ޚުޡުބާގައި ވިދާޅުވީ ފަރުދީ އުނިކަން ފޫބެއްދުމަށްޓަކާ އެކަކު އަނެކަކަށް އެހީތެރިވެ އަޅާލާން އެބަޖެހޭ ކަމުގައެވެ. އަދި ދޭދޭ ފަރުދުންގެ މެދުގައި ހުރި ޚިލާފްތަކާއި ދެބަސްވުންތައް އެއްފަރާތްކޮށް ޖަމާއަތުގެ މަސްލަހަތު އިސްކޮށް ފަހިމަގުން ކަންކަން ހިންގަންޖެހޭ ކަމަށްވެސް ޚުޡުބާގައި ވިދާޅުވެފައި ވެއެވެ.
މުސްލިމް އަޚުންނާނޭވެ! ވަޠަނަށްޓަކާ ކޮންމެ މީހަކު އަދާކޮށްދޭންޖެހޭ ވާޖިބުތަކުގެ ތެރޭގައި ގައުމު ބިނާކުރުމުގައި ބައިވެރިވެ، ކޮންމެ މީހަކުވެސް އެމީހެއްގެ ހިއްސާ އަދާކުރުންވެއެވެ. ގައުމު ބިނާކުރުމުގައި ބައިވެރިވުމަކީ އިންސާނާ އާއި ހަވާލު ކުރައްވާފައިވާ ދުނިޔެ އާރާސްތުކުރުމުގެ މަސައްކަތުގައި ބައިވެރިވުމެވެ.
ޚުޡުބާގައި ވިދާޅުވެފައި ވެއެވެ.
ޚުޡުބާގައި ވިދާޅުވި ގޮތުގައި، އެހެންކަމުން ކޮންމެ މީހަކުވެސް ގައުމު ބިނާ ކުރުމަށްޓަކާ ކުރެވެން އޮތް ކޮންމެކަމެއް ކުރުމަކީ އެމީހެއްގެ މައްޗަށް ވާޖިބުވެގެންވާ ކަމެއްކަން ބަޔާން ކުރައްވަމުން ޚުޡުބާގައި ވިދާޅުވެފައިވަނީ ގައުމު ބިނާކުރުމުގެ މަސައްކަތަކީ މީހާގެ ގާބިލްކަމާއި ހުނަރުވެރިކަމާއި ގުޅިފައިވާ ކަމެއްކަމުގައެވެ.
ގައުމުގެ މުއްސަދިކަމަށާއި، ގައުމުގައި އާންމު ޚުދުމަތްތައް ދިނުމަށް ދިނުމަށް ބިނާކުރެވިފައިވާ ބިނާވެށި ރައްކައުކުރުމަކީވެސް ގައުމު ބިނާކުރުމުގެ ތެރޭގައި ހިމެނޭ ކަމެކެވެ. ގައުމުގެ މަގުތަކާއި އެއާއގުޅޭ ވަސީލަތްތައް މީހުންނަށް ދަތި ނުވާގޮތަށް ބޭނުންކުރުމަކީވެސް، ގައުމު ބިނާކުރުމުގެ ތެރޭގައި ހިމެނޭ ކަމެކެވެ. ވެށި ރައްކައުތެރި ކުރުމަކީވެސް އޭގެ ތެރޭގައި ހިމެނޭކަމެކެވެ. ސާލިހު އިންސާނުންތަކެއް ބިނާކުރުމާއި، ކޮންމެ މީހަކުވެސް ގައުމަށް ފައިދާހުރި މަސައްކަތެއް ކުރުމަކީވެސް ގައުމު ބިނާކުރުމުގެ ތެރޭގައި ގުނޭނެ ކަންކަމެވެ. ތައުލީމު ހާސިލް ކުރުމަށްފަހު ގައުމަށް އޭގެ ފައިދާ ހޯދައިދިނުމާއު، ގައުމުގައި ރިވެތި އަޚްލާގާއު، އަބުރުވެރި ދިރިއުޅުމެއް ފެތުރުމާއި، ދޭދޭ ފަރުދުނގެ މެދުގައި ގުޅުންތައް ރަގަޅުކޮށް، ބަދު އަޚްލާގީ އަމަލުތަކުން ގައުމުގެ ތާހިރު ކުރުމަށް މަަސައްކަތް ކުރުންވެސް އޭގެ ތެރޭގައި ހިމެނެއެވެ.
މިއަދުގެ ޚުޡުބާގައި ވިދާޅުވެފައި ވެއެވެ
