ބޮލީވުޑްގެ އެކްޝްން ދެތަރިންގެ ގޮތުގައި މަޝްހޫރު އަކްޝޭ ކުމާރުއާއި ޓައިގާ ޝްރޮޕް ފެނިގެންދާ ފިލްމް "ބަޅޭ މިޔާ ޗޯޓޭ މިޔާ" ގެ ލަވައެއް ދައްކައިލައިފިއެވެ.
ވަރުގަދަ ނެށުން ތަކެއް ފެނިގެންދާ މި ލަވަ އަކީ "މަސްތް މަލަންގް ޖޫމް"އެވެ. މި ލަވައިގައި ފެނިގެންދަނީ ފިލްމްގެ ލީޑުން ފެނިގެންދާ ތަރިން ކަމުގައިވާ ޓައިގާ އާއި އަކްޝޭ ގެ އިތުރުން ސޮނާކްޝީއެވެ.
މި ލަވަ އަކީ ވަރަށް ފޯރިގަދަ ލަވައެކެވެ. މި ލަވަ ކިޔައިފައިވަނީ އަރިޖިތް އާއި ވިޝާލް އަދި ނިކިތާއެވެ. މި ލަވައިގައި ވަރަށް ގަދަ ނެށުންތަކެއް ވެސް ފެނިގެން ދެއެވެ.
އަލީ އައްބާސް ޒަފަރު ޑައިރެކްޓްކޮށްފައިވާ މި ފިލްމުގެ ކާސްޓްގައި އަކްޝޭ ކުމާރު، ޓައިގާ ޝްރޮފް. މަނޫޝީ ޗިލާރް، އަލާޔާ ފަރްނީޗަރުވާލާ އަދި ޕްރިތުވީރާޖް ސުކްމަރަން ހިމެނެ އެވެ.
