ތެލެސީމިއާގެ ފަރުވާތަކަށް ހާއްސަ ހޮސްޕިޓަލެއް އަޅުމަށްޓަކައި ބޭނުންވާ ބިން ހަމަޖެހިފައިވާކަމަށް ހެލްތު މިނިސްޓަރު ޑރ. ޚަލީލު ވިދާޅުވެއްޖެއެވެ.
ޑރ. ޚަލީލު މިހެން ވިދާޅުވީ ހަފްތާ 14 ގައި ހެލްތުގެ ދާއިރާއިން ހާސިލް ކުރެެވުނު ކަންތައްތަކާއި ގުޅޭގޮތުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ. އަދި ޚަލީލު ވިދާޅުވި ތެލަސީމިއާ ކުދިންނަށް ބޭނުން ފަރުވާ އިތުރަށް ރަގަޅު ކުރުމަށް އެޅުމަށް ހަމަޖެހިފައިވާ ހޮސްޕިޓަލް އެޅުމުގެ މަސައްކަތް ވަރަށް ބާރަށް ކުރިޔަށް ދާކަމުގައެވެ.
މި ހޮސްޕިޓަލް އެޅުމަށްޓަކައި ހުޅުމާލޭ ޑެވެލޮޕްމަންޓް ކޯޕަރޭޝަނުން، ހައުސިން ޑެވެލޮޕްމަންޓް ކޯޕަރޭޝަނުން މިހާރު އެވަނީ ހޮސްޕިޓަލް އަޅާނެ ބިން ބިން އަޅުގަނޑުމެންނަށް ދެއްވާފައި. 72000 އަކަފޫޓުގެ ބިން ހުޅުމާލޭ ދޭކުން އަޅުގަނޑުމެންނަށް ވަނީ ދެއްވާފައި.
މިނިސްޓަރު ވިދާޅުވިއެވެ.
ޑރ. ޚަލީލު ވިދާޅުވީ ލަސްތަކެއްނުވެ މި ހޮސްޕިޓަލް އެޅުމުގެ އަމަލީ މަސައްކަތް ފެށިގެންދާނެ ކަމުގައެވެ.
