ރާއްޖޭގައި ސްކޭމްތައް ހިންގައިގެން ވައްކަމާއި ފޭރުން އާންމުވަމުން ދާން ފެށުމާއި ގުޅިގެން، ސްކޭމްތައް ހުއްޓުވުމަށް ހާއްސަ ސެންޓަރެއް ޕޮލިސް ސާވިސްއިން ނިންމައިފިއެވެ.
މިކަން ހާމަ ކޮށްފައިވަނީ ވަގުތު ޓީވީގައި ވާހަކަ ދައްކަވަމުން ސަބް އިންސްޕެކްޓަރު ހުސެއިން ހަބީބުއެވެ.
އޭނާ ވިދާޅުވެފައިވަނީ ރާއްޖޭގެ ސޯޝަލް މީޑިއާގެ ވަސީލަތްތައް ބޭނުން ކޮށްގެން ފުޅާ ދާއިރާއެއްގައި ސްކޭމްތައް ހިންގަމުންދާ ކަމަށާއި، މިއަހަރު ސްކޭމްތައް ހިންގާ މިންވަރު ފާއިތުވެދިޔަ އަހަރަށްވުރެ މިއަހަރު އިތުރުވެފައިވާ ކަމުގައެވެ.
އެގޮތުން އޭނާ ވިދާޅުވީ ސްކޭޕްތައް ހުއްޓުވުމަށް ޚާއްސަ ސެންޓަރެއް ގާއިމްކުރުމުގެ މަސައްކަތް ޕޮލިސް ސާވިސްއިން ވަރަށް ބާރަށް ކުރިޔަށް ގެންދާ ކަމުހަގައެވެ.
މޯލްޑިވްސް ޕޮލިސް ސާވިސްގެ ފަރާތުން ސްކޭމް ސެންޓަރެއް ގާއިމްކުރުމުގެ މަސައްކަތް ކުރަމުންދަނީ. އިރާދަކުރެއްވިއްޔާ އަޅުގަނޑުމެން އުންމީދު ކުރަނީ ވަރަށް ކައިރި މުސްތަގުބަލެއްގައި ސްކޭމް ސެންޓަރެއް ގާއިމްވެ، ރައްޔިތުންނަށް ދޭން ޖެހޭ ހިދުމަތް އެންމެ އެކަށޭނެ ގޮތުގައި އަވަސްކޮށް ދެވޭނެ ކަމަށް.
ހަބީބު ވިދާޅުވިއެވެ.
ހަބީ ވިދާޅުވީ ފްލެޓް ލިބޭނެކަމަށް ދައްކައިގެންނާއި އަދި ފޯނުން ގުޅައިގެން އެކިއެކި އިނާމްތައް ލިބޭނެކަމަށް ދައްކައިގެންވެސް ސްކޭމްތައް ހިންގަމުންދާ ކަމުގައެވެ. އެހެންނަމަވެސް އޭނާ ފާހަގަ ކުރެއްވީ އެންމެ ފުޅާ ދާއިރާއެއްގައި ކުރިއަށްގެންދަނީ އޮންލައިން ޕްލެޓްފޯމްތަކުގައި ތަކެތި ވިއްކާ ކަމަށް ޖަހައިގެން ކުރިއަށް ގެންދާ ސްކޭމްތައް ކަމުގަކެވެ.
މިގޮތުން އެދުވަސް ވަރެއްގައި އާންމުކޮށް އެންމެ ބޮޑަށް ހިނގާ ކަމަަކާއި ގުޅުވައިގެން ސްކޭމްތައް ހިންގުމަށް އެކަން ކުރާމީހުން އިސްކަންދެމުންދާ ކަމުގައިވެސް އޭނާ ވިދާޅުވިއެވެ.
އާންމުކޮށް މިކަންތައް މިދަނީ އެއިރެއްގައި އެއޮންނަ ކަމަކާއި ގުޅިގެން ފޯން ކޯލެއް އައިސްގެން ސްކޭމް ކޮށްގެން ފައިސާ ހޯދާ ކަމަށް އަޅުގަނޑުމެންނަށް ވަނީ ފާހަގަ ކުރެވިފައި.
ހަބީބު ވިދާޅުވިއެވެ.
ހަބީބު ވިދާޅުވީ، 2021 އިން ފެށިގެން މިހާ ހިސާބަށް ސްކޭމްގެ 28،003 މައްސަލައެއް ރިޕޯޓް ކުރެވިފައިވާ ކަމަށެވެ. އަދި އެ މައްސަލަތަކުގައި ޖުމްލަ 57،848،515 ރުފިޔާ، އާއި 6،49،439 ޑޮލަރު، ސްކޭމްކޮށްގެން މީހުން އަތުން ހޯދާފައިވާ ކަމަށެވެ.
ކޮމެންޓު ފޮނުވާ