މިއަހަރުގެ ބަޖެޓް ރައްޔިތުންގެ މަޖިލީހުން ތައްޔާރުކުރިއިރު، ހިނގަހިނގާހުރި ބައެއް މަޝްރޫޢުތަކަށްވެސް ރައްޔިތުންގެ މަޖިލީހުން ބަޖެޓްގައި ފައިސާ ހިމަނާދީފައި ނުވާކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ ރައީސް އޮފީހުން ގެނެސްދެމުންދާ "ރައީސްގެ ޖަވާބު" މިއަދުގެ ސެގްމަންޓުގައި ހއ. މުރައިދޫ މީހަކު އެމަނިކުފާނާ ކުރި ސުވާލަށް ޖަވާބު ދެއްވަމުންނެވެ.
މުރައިދޫ ޒުވާނަކު ރައީސްއާއި ކުރި ސުވާލަކީ ކުރީ ސަރުކާރުން ފެށި އެރަށު ބަނދަރުގެ މަޝްރޫއު ކުރިޔަށް ނުދާތީ އެމަޝްރޫއު ދެން ކުރިޔަށްދާނީ ކޮންއިރަކުންތޯއެވެ.
އޭނާގެ ސުވާލަށް ޖަވާބު ދެއްވަމުން ރައީސް މުއިއްޒު ވިދާޅުވީ، ހިނގަމުންދާ މަޝްރޫޢުތަކަށްވެސް އެންމެ ބިލެއް ނުވަތަ ދެ ބިލެއް ދެއްކޭ މިންވަރަށްވެސް ބައެއް މަޝްރޫޢުތަކަށް ކުރީ ސަރުކާރުން ބަޖެޓްގައި ފައިސާ ހިމަނާ ދީފައި ނެތްކަމަށް، މިއީ މިގޮތަށް ރައްޔިތުންގެ މަޖިލީހުން އަމަލު ކުރެއްވި ފުރަތަމަ ފަހަރު ކަމުގައެވެ.
އަލަށް މިފަހަރުގެ ބަޖެޓް ހެދިއިރު، މީގެކުރީގަ ދުވަހަކުވެސް ބަޖެޓް ހަދާއިރުގަ ނުކުރާކަމެއް މިއީ، މިހާރު އޮތް މަޖިލީހުން ކޮށްފަ އޮތީ. އެއީ އޮންގައިން މަޝްރޫޢެއް ވެޖެއްޔާ ނިންމޭވަރަށް ބަޖެޓުގައި ފައިސާ ހިމަނާނެ. އަލަށް ފަށާ މަޝްރޫޢެއް ވިއްޔާ ބައެއް ފަހަރު 15 ޕަސެންޓް ކިރިޔާ ދެވޭވަރަށް ހިމަނަފާނެ. އެކަމަކު މިފަހަރު ހިނގަ ހިނގާ ހުރި މަޝްރޫޢުތަކަށް އެބަހުރި އެންމެ ބިލެއް ނުދެއްކޭވަރަށްވެސް، އެއްބިލް ނޫނީ ދެބިލް ކިރިޔާ ދެއްކޭވަރަށް އެންމެ ގިނައިންވެސް މިސާލަކަށް.. އެހެންވީމަ ނުހިންގިފަ މިހިރީ، ދުވަހަކުވެސް ރާއްޖޭގެ މަޖިލިހުން ކޮށްފަ އޮތްކަމެއް ނޫން. ވަރަށް ގޯށްކޮށް ކޮށްފަ އޮތްކަމެއް މަޖިލީހުން. އެހެންވެގެން، ހަމަ އެކްޕްލެނޭޝަނެއް ދޭންވެގެން، އެކްސްކިއުޒެއް (އުޒުރެއް) ނޫން. ހާލަތު ދަންނަވަން. ތިރަށުގަ އެހެން ވެފަ އޮތެކޭވެސް ދަންނަވާކަށް ނޫން.
ރައީސް ވިދާޅުވިއެވެ.
ރައީސް ވިދާޅުވީ މުރައިދޫ ބަނދަރުގެ މަސައްކަތް ވަރަށް އަވަހަށް ފައްޓަވާ ދެއްވާނެކަމުގައެވެ.
ކޮމެންޓު ފޮނުވާ