ޕިކަޕެއްގެ ތެރޭގައި އާންމު އިޖުތިމާއީ މިންގަނޑާ ހިލާފު ވައްތަރު ޖެއްސި މީހާ ހައްޔަރު ކޮށްފައިވާކަމަށް ފުލުހުން ބުނެފިއެވެ.
ފުލުހުން މިއަދު ހެނދުނު ކުރި އެކްސް ޕޯސްޓެއްގައި ވިދާޅުވެފައިވަނީ، މާލޭ މަގުމަތީގައި ޕިކަޕެއްގެ ތެރޭގައި ފިރިހެނަކު އާންމު އިޖުތިމާއީ މިންގަނޑާ ހިލާފު ވައްތަރުތަކެއްޖެއްސި މައްސަލަ ފުލުހުން ތަހުގީގު ކުރަމުން ދާކަމުގައެވެ. އަދި އެ މީހާ ދެނެގަތުމުގެ މަސައްކަތް ވެސް ފުލުހުން ކުރަމުން ދާކަމަށްވެސް ބުނެފައި ވެއެވެ.
އެ މީހާއާ ގުޅޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ހެންވޭރު ޕޮލިސް އިންވެސްޓިގޭޝަންގެ ނަންބަރު 9400053 އަށް ގުޅުއްވައި ހިއްސާކުރެއްވުމަށް ފުލުހުން އެދިފައި ވެއެވެ.
މާލޭ މަގުމަތިން އިއްޔެ ދުއްވާފައި ދިޔަ ޕިކަޕެއްގެ ތެރޭގައި ހުރެގެން، އިޖުތިމާއީ މިންގަނޑާ ހިލާފު ވައްތަރު މީހަކު ޖައްސަމުން ދިޔަ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ.
ކޮމެންޓު ފޮނުވާ