2008ވަނަ އަހަރުގެ ކާމިޔާބު ފިލްމް "ގަޖިނީ" ގެ ޑައިރެކްޓަރު އޭއާރް މުރްގަދޯސް ދެން ހަދާ ފިލްމުގެ ބަތަލަކީ ސަލްމާން ޚާން ކަމަށް ރިޕޯޓްތައް ބުނެފި އެވެ.
"ގަޖިނީ" އަކީ ބެލުނަތެރިންގެ ބޮޑު ތަރުހީބެއް ލިބިގެންދިއަ ފިލްްމްއެވެ. އެ ފިލްމްގެ ލީޑުން ފެނިގެން ދިއައީ ސްޕަސްޓާރު އާމިރު ހާން އާއި ސައުތުގެ މަޝްހޫރު ބަތަލާއެއް ކަމުގައިވާ އަސިންއެވެ. 2016 ވަނަ އަހަރު ކައިވެނި ކުރުމަށްފަހު އޭނާ ވަނީ އެކްޓިންގ ދޫކޮށްލައިފައިއެވެ.
View this post on Instagram
މައުލޫމާތު ލިބޭ ގޮތުގައި މި އަހަރުގެ ޖޫން މަހުގެ ތެރޭގައި ޝޫޓިން ފަށަން ޕްލޭންކޮށްފައިވާ މި ފިލްމަކީ ސަލްމާންގެ ގާތް އެކުވެރިޔާ އަދި މަޝްހޫރު ޕްރޮޑިއުސަރު ސާޖިދު ނަދުއަދުވާލާ ބޮޑު ބަޖެޓަކުން ހަދަން ނިންމާފައިވާ ފިލްމެއް ކަމަށެވެ.
ޕިންކްވިލާ އިން ބުނީ ގޮތުގައި ގާތްގަނޑަކަށް 400 ކްރޯޑް ރުޕީސް (48.2 މިލިއަން ޑޮލަރު) ގެ ބަޖެޓަކުން ހަދަން ނިންމާފައިވާ ފިލްމު އަންނަ އަހަރުގެ ފިތުރު އީދުގައި ގެނެސްދޭން ޕްލޭންކޮށްފައިވެ އެވެ. ނަމަވެސް ރަސްމީކޮން އަދި މި ފިލްމް އިއުލާނެއް ނުކުރެއެވެ. އެހެން ކަމުން މިއީ ސައްހަ ހަބަރެއްކަމެއް ކަށަވަރެއް ނުވެއެވެ.
View this post on Instagram
ސަލްމާން މިހާރު އަންނަނީ "ދަ ބުލް" ކިޔާ ފިލްމެއްގެ މަސައްކަތް ކުރަމުންނެވެ. މި ފިލްމް އަކީ ކަރަން ޖޯހަރުގެ ދަރްމާ ޕްރޮޑަކްޝަން އަށް އޭނާ ކުޅެދޭ ފިލްމްއެކެވެ. އެންމެ ފަހުން އޭނާ ފެނިގެން ދިއައީ ކާމިޔާބު ފްރެންޗައިޒް "ޓައިގާ" ގެ 3 ވަނަ ފިލްމް އިންނެވެ. މި ފިލްމްގައި ސަލްމާން އާއި އެކުގައި ފެނިގެން ދިއައި ކުރީގެ ލޯބިވެރިޔާ ކެޓްރީނާ ކައިފްއެވެ.
