ހަތަރު ދުވަހުގެ ދަތުރެއްގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު އައްޑޫއަށް ފުރާވަޑައިގަންނަވާ ގޮތަށް ހަމަޖެހިއްޖެ އެވެ.
ރައީސް އައްޑޫއަށް ފުރާވަޑައިގަންނަވާކަން ރައީސް އޮފީހުގެ އޮފިޝަލަކު ވަނީ މި ނޫހަށް ކަށަވަރުކޮށްދެއްވައިފަ އެވެ.
އައްޑޫއަށް ރައީސް ވަޑައިގެން ރައްޔިތުންގެ ހާލު ބައްލަވައި، އާންމުންގެ އަޑު އައްސަވާނެ ކަމަށް ރައީސް އޮފީހުން ބުނެ އެވެ.
ރައީސް އައްޑުއަށް ވަޑައިގަތުމަށް ހަމަޖެހިފައިވަނީ މިއަދު ހެނދުނު 10:30 ގައެވެ. އެއަށްފަހު ރައީސްގެ މި ދަތުރުފުޅުހައި ފުވައްމުލަކުގެ އިތުރުން ހުވަދު އަތޮޅުގެ ބައެއް ރަށްތަކަށްވެސް ވަޑައިގެންނެވުނަށް ވަނީ ހަމަޖެހިފައެވެ.
