މޯލްޑިވިއަންގެ ސީޕްލޭނެއްގެ ކްރޫއިންނަށް ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު ޖާބިރު ބޭއަދަބީ ބަހުން މުއާމަލާތްކޮށް ބިރު ދެއްކި މައްސަލަ އައިލެންޑް އޭވިއޭޝަނުން މޯލްޑިްވްސް ޕޮލިސް ސާވިސްއަށް ހުށަހަޅައިފި އެވެ.
މޯލްޑިވިއަންގެ ސީޕްލޭނެއްގެ ކްރޫއިންނަށް ޖާބިރު ބޭއަދަބީ ބަހުން މުއާމަލާތްކުރާ މަންޒަރު ފެންނަ ވީޑިއޯއެއް ވަނީ އާންމުވެފަ އެވެ.
ވީޑިއޯއެއް ސޯޝަލް މީޑިއާގައި ވަނީ، މޯލްޑިވިއަން ސީ ޕްލޭން އޮފިޝަލަކަށް ޖާބިރު ބިރުދައްކާ ބުލީކުރި މައްސަލަ މިހާރު ޕޮލިހަށް ހުށަހަޅާފައިވާކަމަށް އައިއޭއެސްގެ އޮފިޝަލަކު ވަނީ ވިދާޅުވެފައެވެ.
އައިއޭއެސްއިން ޖާބިރުގެ މައްސަލަ ފުލުހުންނަށް ހުށަހަޅާފައިވާއިރު، 20 ވަނަ ރައްޔިތުންގެ މަޖިލިސްގައި އެމްޑީޕީގެ ފަރާތުން ވާދަކުރާނެ ކެންޑިޑޭޓުން ހޮވުމަށް ބޭއްވި ޕްރައިމަރީގައި ކާށިދޫ ދާއިރާ ކާމިޔާބުކުރެއްވި ޖާބިރު، އެ ޕާޓީގެ މެންބަރެއްގެގޮތުގައި އަދި ކެނޑިޑޭޓަކަށްވެހުރެ، މުޖުތަމައުގެ އާއްމު މިންގަނޑާ ޚިލާފަށް ރައްޔިތުންނާއި ބޭއަދަބީ ބަހުރުވައިން މުޢާމަލާތްކޮށް މަސްލަހަތު ގެއްލޭގޮތަށް ތަކުރާރުކޮށް އަމަލުކުރަމުންދާތީ، އެ ކަމަކީ އެމްޑީޕީގެ އާންމު މެންބަރުންގެ މަސްލަޙަތަށް އުނިކަންލިބޭ ފަދަ ޢަމަލެއްކަމުގައިވާތީ އެމްޑީޕީގެ ފިޔަވަޅުއަޅާ ކޮމިޓީއަށް ހުށައެޅިފައިވާ މައްސަލަ ބެލުމަށްފަހު ޖާބިރު 20 ވަަނަ ރައްޔިތުންގެ މަޖިލިސްގެ އިންތިޚާބުގައި އެ ޕާޓީގެ ފަރާތުން ވާދަކުރުމުގެ ފުރުޞަތު ނުދިނުމަށާއި، އަދި މިއަދުން ފެށިގެން ޕާޓީގެ މެންބަރުކަމުން ވަކިކުރުމަށް އެމްޑީޕީގެ ފިޔަވަޅުއަޅާ ކޮމެޓީންވެސް ވަނީ ނިންމާފައެވެ.
