މި އަހަރުގެ ފެބްރުއަރީ މަހުގެ 8 ވަނަ ދުވަހު ބޭއްވުމަށް ހަމަޖެހިފައިވާ އާންމު އިންތިޚާބަށް ޕާކިސްތާނުން ތައްޔާރުވަމުންދާއިރު، ސިޔާސީ މައިދާނުގައި ފެންނަނީ، ދަރިކޮޅުތަކުގެ ބާރުވެރިކަމާއި، މުއައްސަސާތަކުގެ އޮޅުވާލުމާއި، ޑިމޮކްރެޓިކް އުޞޫލުތައް ފުނޑުފުނޑުވުމުގެ ވާހަކަތައް ކަމުގައި އެގައުމުގެ އިދިކޮޅު ފަރާތްތަކުން ބުނެފިއެވެ. އޭގެ ނަތީޖާއެއްގެ ގޮތުން އެޤައުމުގެ ޑިމޮކްރެޓިކް ފޭރާން ގެއްލޭ ނިޒާމީ ކަންކަމުގެ މައްޗަށް އަލިއަޅުއްވާލައްވައި، ކުރިއަށް އޮތް އިންތިޚާބުގެ ނުތަނަވަސްކަން ދެނެގަތުމަކީ ވަރަށް މުހިންމު ކަމެއްކަމުގައި ގިނަ ބަޔަކު ދަނީ ދެކެމުންނެވެ.
ބަދަލުތަކާއެކު ޑިމޮކްރެޓިކް ކުރިއެރުންތަކެއް ފެންނާން ހުރިނަމަވެސް، ޕާކިސްތާނުގައި ކުރިއަށް އޮތް އިންތިޚާބަކީ ކުރީގެ އިންތިޚާބީ މަރުހަލާތަކުގެ ވައްޓަފާޅިތައް ދައްކުވައިދޭ އެ އުސޫލުތަކާ އެއްގޮތަށް ކުރިޔަށްދާނެ އިންތިޚާބެއްކަމުގައި ގިނަބަޔަކު ދެކެއެވެ. މި އިންތިޚާބުގެ ހަމަހަމަ ކަމާއި އިންސާފަށް ހިޔަނި އެޅިފައި ވަނީ، ވަރަށް ބޮޑަށް ނުފޫޒު ފޯރުވައިގެން- "ޑީޕް ސްޓޭޓަކު" ކަމަށް އެގައުމުގެ އިނދިކޮޅު ފަރާތްތަކުން ދަނީ ބުނެމުންނެވެ.
ޑިމޮކްރެޓިކް ބަދަލުތަކެއް އަންނާނެ ކަމަށް ބުނަމުން ދިޔަ ނަމަވެސް، ޕާކިސްތާނުގެ ރަސްމީ މުވައްސަސާތައް ހަރަކާތްތެރިވަމުން ދަނީ އިންތިޚާބުގެ ނެތިޖާ ބޭނުންގޮތަކަށް އަބުރާލުމާ ދިމާލަށެވެ. މި އިންތިޚާބުތަކުގައި ވާދަކުރާ ކެންޑިޑޭޓުންނާއި، ސިޔާސީ ޕާޓީތަކާއި، ޑިމޮކްރެޓިކް އުޞޫލުތައް ދަމަހައްޓަން ބޭނުންވި ނަމަވެސް، ވަރަށް ގިނަ ޙާލަތްތަކުގައި، ޕާކިސްތާނުގައި ބޭއްވޭ އިންތިޚާބަކީ، އެގައުމުގެ، ސިޔާސީގޮތުން ބާރުގަދަ ފަރާތްތަކުން އެކަނި ބޭނުންވާގޮތަށް ނަތިޖާ ނެރޭ އިންތިޚާބުތަކެވެ.
2024 ވަނަ އަހަރުގެ އިންތިޚާބަކީ، އެގައުމުގެ ކުރީގެ އިންތިޚާބުތަކެކޭ އެއްފަދަދއިން، ސިޔާސީ ދަރިކޮޅުތަކުގެ ނުފޫޒު އިންތިޚާބެއްކަމުގައި ސިޔާސީ މަސްރަހު ދިރާސާކުރާ ފަރާތްތަކުން ބުނެއެވެ.
އަދި ޕާކިސްތާނުގައި ގިނަ ފަހަރަށް ފާހަގަކޮށްލެވޭ ލީޑަރުންގެ ޢާއިލާގެ ބޭފުޅުން އެކުގައި އިންތިޚާބުގައި ވާދަކުރައްވަމުން ގެންދަވަނީ، އިންތިޚާބީ ނަތީޖާތަކަށް ބެލުމެއްނެތި، ސިޔާސީ ޢާއިލާތައް އެސެމްބްލީގައި ތަމްސީލުކުރެވޭނެ ސިޔާސީ މަންޒަރެއް އުފައްދަމުންނެވެ.
ޝަރީފް، ބުއްޓޯސް، ޤުރައިޝީ، ގިލާނީ، ލެގާރިސް، ޚާރު، ގޯރްމަނިސް، ޖަތޯއިސް، ވަރަންރް، ޤައިސްރާނީ، އަދި އެހެނިހެން އެކި ސަރަޙައްދުތަކާއި ޤަބީލާތަކަށް ފެތުރިފައިވާ ނުފޫޒުގަދަ ސިޔާސީ ޤަބީލާތަކުގެ ތެރެއިން މި ޢާއިލީ އަޅުވެތިކަން ފެންނަން އެބަހުއްޓެވެ.
ޕާކިސްތާނުގެ ސިޔާސީ މައިދާނުގައި ޑިމޮކްރެޓިކް އުޞޫލުތަކަށް ކުރިމަތިވެފައިވާ ގޮންޖެހުންތަކުގެ މައްޗަށް އެގައުމުގެ ނުފޫޒުގަދަ ޢާއިލާތަކުގެ ބާރު ގަދަކަން ފާހަގަކުރެއެވެ. މި ސިޔާސީ "ޗަރުކޭހުގެ" އެންމެ ކުރީ ސަފުގައި ތިއްބެވީ ޕާކިސްތާނުގެ ދަރިކޮޅުގެ ސިޔާސީ މައިދާނުގައި އިސްކޮށް އުޅުއްވާ ޝަރީފާއި ބުއްޓޫއެވެ.
އެގޮތުން، އާސިފް އަލީ ޒަރްދާރީ، ބިލާވަލް ބުއްޓޫ ޒަރްދާރީ، ނަވާޒް ޝަރީފް، މަރިޔަމް ނަވާޒް އަދި ޝަހްބާޒް ޝަރީފް އިންތިހާބީ މައިދާނުގައި ދަތުރުކުރައްވަނީ، އެ ބޭފުޅުންގެ އާއިލީ ގުޅުން، ސިޔާސީ ހަރަކާތާ ގުޅިފައިވާ ގޮތަށެވެ. ޑިމޮކްރެޓިކް އުޞޫލުތަކުގެ ބަދަލުގައި ސިޔާސީ މޮނޮޕޮލީއެއް އޮތް މި ދަރިކޮޅުތަކުގެ މެދުގައި އޮތީ ޑިމޮކްރަސީއަށްވުރެ ބޮޑަށް ބާރުތައް މުށުތެރެއަށް ލުމުގެ ސަގާފަތެވެ.
މުހިންމު ދާއިރާތަކުގައި މިއާއިލާތަކުން މެންބަރުން ސްޓްރެޓެޖިކްކޮށް ބޭތިއްބުމަކީ އިންސާފުވެރިކަމާއި ވާދަވެރި ޕޮލިޓިކްސްއަށް ވަރަށް ބޮޑަށް އިހުމާލުވެފައިވާކަން ހާމަކޮށްދޭ ކަމެކެވެ.
ޕާކިސްތާނުގެ ކުރިޔަށް އިންތިޚާބުންވެސް އެހެން ތަފާތު މަންޒަރެއް ފެނިގެން ހިގައިދާނެކަމަށް ގިނަ ބަޔަކު ނުދެކެއެވެ.
