މިހާރު ބޮލީވުޑްގެ އޭ ލިސްޓުގައި ގުނައިލެވޭ ދެ ތަރިން ކަމުގައިވާ ޕްރަބާސް އާއި ދީޕިކާ ޕަދުކޯންގެ ފިލްމް "ކަލްކީ" ރިލީޒް ކުރާ ތާރީހް އިއުލާން ކޮށްފިއެވެ.
މި ފިލްމް އަޅުވާ ދުވަސް އިއުލާން ކުރުމަށް ޕަރްބާސްގެ ސޯޝަލް މީޑިއާ އެކައުންޓުގައި ވަނީ ޕޯސްޓަރެއް އާންމުކޮށްފައިއެވެ. މި ފިލްމް ރިލީޒް ކުރުމަށް ތާވަލު ކޮށްފައިވަނީ މޭ މަހުގެ 9 ވަނަ ދުވަހަށެވެ.
މި ދުވަހަށް އިތުރު އެހެން ފިލްމް ތަކެއް ވެސް ވަނީ އިއުލާން ކޮށްފައިއެވެ. އެގޮތުން ކްރިތީ އާއި ޝާހިދު ގެ ފިލްމް "ތެރި ބާތޯންމޭ އެސާ އުލްޖާ ޖިޔާ," އާއި ސައުުތުގެ މަޝްހޫރު އެކްޓަރު ރަޖްނިކާންތް ގެ "ލާލް ސަލާމް" ހިމެނެއެވެ. އެހެން ކަމުން ފިލްމް ރިލީޒް ކުރާ ތާރީހް އަށް ބަދަލުއައުމަކީ ވެސް އެކަށީގެންވާ ކަމެކެވެ.
View this post on Instagram
މި ފިލްމުގެ ވާހަކަ ބިނާކޮށްފައި އޮތީ 2898 އޭޑީއަށެވެ. އެހެންވެ މުސްތަގުބަލުގައި ހިނގައިފާނެ ކަމަށް ބެލެވޭ ހާދިސާތަކެއް ދައްކުވައިދޭނެ އެއްޗެކެވެ. މި ފިލްމް އަކީ ބޮޑު ބަޖެޓަކުން ހަދައިފައިވާ ފިލްމްއެކެވެ.
ކުޅަދާނަ ތެލެގޫ ޑައިރެކްޓަރު ނާގު އަޝްވިން ލިޔެ، ޑައިރެކްޓްކޮށް އެޕިކް ސައިންސް ފިކްޝަންއެއްގެ ގޮތުގައި ގެނެސްދޭ "ކަލްކީ" ގެ މައިގަނޑު ތަރިންނަކީ ޕްރަބާސް އާއި ދީޕިކާ ޕަދްކޯން އާއި ކަމަލް ހަސަނާއި އަމީތާބް ބައްޗަންގެ އިތުރުން ޑިޝާ ޕަޓާނީ އެވެ.
