ޗައިނާގެ ރައީސް ޝީ ޖިންޕިންގެ ދައުވަތަކަށް އެމަނިކުފާނު މިހާރު ޗައިނާއަށް ކުރައްވަމުންގެންދަވާ ފުރަމާނަ ދަތުރުފުޅުގައި، ރައީސުލްޖުމްހޫރިއްޔާގެ ދެކަނބަލުން، ޗައިނާގެ ޓިއަނަމަން ސްކުއާގައި ހުންނަ ޕީޕަލްސް ހީރޯންގެ ބިނާއަށް ޒިޔާރަތް ކުރައްވައިފިއެވެ.
ރައީސުލްޖުމްހޫރިއްޔާ ޑޮކްޓަރ މުޙަންމަދު މުޢިއްޒާއި، އެމަނިކުފާނުގެ އަނބިކަނބަލުން ސާޖިދާ މުޙައްމަދު، ޓިއާނަންމެން ސްކެއަރގައި ހުންނަ ރައްޔިތުންގެ ހީރޯންގެ ބިނާގައި ބޭއްވެވި ރަސްމިއްޔާތެއްގައި ބައިވެރިވެވަޑައިގެން، ވަނީ އެ ބިނާގައި މާބޮނޑި ބާއްވަވާފައެވެ.
މި ރަސްމިއްޔާތުގައި ރާއްޖެއާއި ޗައިނާގެ ޤައުމީ ސަލާމް ކުޅުނީ ޗައިނާގެ އަސްކަރީ ބޭންޑުންނެވެ. ރައީސުލްޖުމްހޫރިއްޔާ ވަނީ، ޗައިނާގެ މިނިވަންކަމަށް ޓަކައި ހަނގުރާމަކޮށް ދުނިޔެ ދޫކުރި މީހުންގެ ހަނދާނުގައި ގެނެވުނު ހިމޭން ސުކޫތެއްގައިވެސް ބައިވެރިވެވަޑައިގެންފައެވެ.
މިއީ 19 ވަނަ ގަރުނާއި 20 ވަނަ ގަރުނުގައި ޗައިނާއިން ކުރި އިންގިލާބީ ހަނގުރާމާގައި ދުނިޔެ ދޫކުރި މީހުންގެ ހަނދާނީ ބިނާއެއްގެ ގޮތުގައި ބިނާކޮށްފައިވާ ބިނާއެކެވެ.
