އިބުރޭގެ ރައްދު: ހަސަން ވެސް ހޮވުނީ އެމްޑީޕީ ޓިކެޓްގައި، ބަޔަކު އަލަށް ކަމެއް ނުކުރޭ

މިހާރު ފެންނަ މަންޒަރުތަކަށް ބަލާއިރު މާލޭ ސިޓީގެ މޭޔަރުކަމަަށް އާދަމް އާޒިމް ހޮވުނަސް އޭނާވެސް އެމްޑީޕީގައި ހުންނާނެ ކަމަށް ދަ ޑިމޮކްރެޓްސްގެ ޕާޓީގެ ރައީސް ހަސަން ލަތީފު ވިދާޅުވުމުން އޭނާއަށް ގިނަ ބައެއްގެ ފާޑުކިޔުން ވަނި އަމާޒުވެފައެވެ.

ގިނަ ބަޔަކު ބުނެފައިވަނީ ހަސަން ލަތީފަކީވެސް ޕާޓޯ ބަދަލުކޮށްގެން ހުރި މީހެއް ކަމަށާއި، މިހާރު ޕާޓީ ދަލުކުރާ މީހުންނާއި ހަސަން ލަތީފާވެސް ތަފާތެއް ނެތްކަމުގައެވެ.

ހަސަންލަތީފަކީ އެމްޑީޕީގައި އެތެރޭގައި އުފެދުނު މައްސަލަތަކަށްފަހު އެމްޑީޕީ ދޫކޮށް ދިޔަ މެމްބަރުންގެ ތެރޭގައި ހިމެނޭ މެމްބަރެކެވެ.

އެމްޑީޕީގެ ގިނަ ޢަދަދެއްގެ މެންބަރުން ވެރިކަންކުރާ ކޮންގްރެސް ޕާޓީއާއި ރޭވަނީ ގުޅިވަޑައިގެންފައެވެ. އެމްޑީޕީގައި އެންމެ އިސްކޮށް އުޅުއްވި ގިނަ ޢަދަދެއްގެ މެންބަރުން ކޮންގްރެސް ޕާޓީއާއި ގުޅިވަޑައިގަތީ ރޭ ދަރުބާރު ގޭގައި ބޭއްވުނު ޖަލްސާގައެވެ. އެ މެންބަރުން ޕާޓީއާއި ގުޅިވަޑައިގެންނެވި ފޯމާ ހަވާލުވެވަޑައިގަތީ ކޮންގްރެސް ޕާޓީގެ ރައީސް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.

އެމްޑީޕީން ކޮންގްރެސް (ޕީއެންސީ)އާއި ގުޅިވަޑައިގެންނެވި މެންބަރުން:

1- އިބްރާހީމް ޝަރީފް/ މަރަދޫ ދާއިރާގެ މެންބަރު

2- މުޙައްމަދު ނިހާދު/ ފޭދޫ ދާއިރާގެ މެންބަރު

3- އަޙްމަދު ޚައިތަމް/ މައްޗަންގޮޅި ދެކުނު ދާއިރާ

4- ޢަލީ ޙަމީދު/ އިސްދޫ ދާއިރާ

5- ޢަބްދުﷲ ޝަހީމް ޢަބްދުލްޙަކީމް/ ކަނޑިތީމު ދާއިރާ

6- ޢަބްދުލްޣަނީ ޢަބްދުލްޙަކީމް/ ކުރެންދޫ ދާއިރާ

7- ޙަސަން ޒަރީރު/ މަތިވެރި ދާއިރާ

8- އިބްރާހީމް ނަސީރު/މުލަކު ދާއިރާ

9- ޢަބްދުލްމުޙްސިން ހަމީދު/ ނިލަންދޫ ދާއިރާ

10- އާދަމް ޢަލީ/ މާފަންނު ދެކުނު ދާއިރާ

11- މުޙައްމަދު ރާޝީދު/ ކޮމަންޑޫ ދާއިރާ

12- ޙަސަން ޝިއާން/ ތޮއްޑޫ ދާއިރާ

13- އިބްރާހީމް ޝާޒް/ ގުރައިދޫ ދާއިރާ

ރޭ ކޮމްގްރެސް ޕާޓީއާއި ގުޅިވަޑައިގެންނެވި 13 މެމްބަރުންގެ ތެރެއިން ޖަލްސާ އަށް ވަޑައިގެންނެވީ 10 މެމްބަރުންނެވެ. އަނެއް ތިން މެމްބަރުން މާލޭގައި ނޫޅުއްވި ނަމަވެސް އެ މެމްބަރުން ވަނީ ޕީއެންސީ އަށް ސޮއިކުރެއްވި ފޮޓޯ އާންމުކޮށްފައެވެ.

މި މެމްބަރުންގެ ތެރެއިން 12 މެމްބަރުންނަކީ މިއަދާ ހަމައަށް ވެސް އެމްޑީޕީގައި ތިއްބެވި މެމްބަރުންނެވެ. އަދި ހައިތަމް ވަނީ މިދިޔަ ރިޔާސީ އިންތިހާބުގެ ތެރޭގައި އެމްޑީޕީން ވަކިވެވަޑައިގެންފައެވެ. އެމްޑީޕީން ވަކިވެވަޑައިގެންނެވި ފަހުން މިހާތަނަށް އައިއިރު ވެސް އޭނާ އެއްވެސް ޕާޓީއަކާ ގުޅިވަޑައިގެންފައެއް ނުވެއެވެ.

މި ހުރިހާ މެމްބަރުން ޕީއެންސީއާ ގުޅިވަޑައިގަތުމާ އެކުގައި މަޖިލިހުގެ މައިނޯރިޓީ ޕާޓީ އަށް ވާނީ ޕީއެންސީއެވެ. މި ބަދަލާ އެކު، މަޖިލިހުގައި ތިއްބަވާ އެމްޑީޕީގެ މެމްބަރުންގެ އަދަދު 44 އަށް އަރާއިރު، އެމްޑީޕީގައި މިރެއާ ހަމައަށް 56 މެމްބަރުން ތިއްބެވިއެވެ.