ވެރިކަން ކުރާ ޕީޕީއެމް/ޕީއެންސީގެ ޓިކެޓުގައި ކުރިޔަށް އޮތް މާލޭ ސިޓީ ކައުންސިލްގެ މޭޔަރު ކަމަށް ވާދަކުރައްވާ، ކުރީގެ ބަންޑާރަނައިބު އަޒިމާ ޝަކޫރަކީ ދިވެހި ރައްޔިތުންނަށް އާ ކަނބަލަކަށް ނުވާނެއެވެ.
އޭގެ އެންމެ ބޮޑު އެއް ސަބަބަކީ އާޒިމާގެ ގައުމީ ޚިދުމަތްތަކެވެ. އާޒިމާގެ ގައުމީ ޚިދުމަތުގެ ވާހަކަތަކަކީ އިޔެއާއި މިއަދުގެ އެކަނި ވާހަކަތަކަށް ނުވާތީއެވެ. އާޒިމާވަނީ ކުރީގެ ރައީސް މައުމޫނުގެ ދައުރުންފެށިގެން ސަރުކާރުގެ ގިނަ އިސް މަގާމްތަކުގައި މަސައްކަތް ކުރައްވަން ފައްޓަވާފައެވެ.
އޭގެ ތެރޭގައި ދައުލަތުގެ ބަންޑާރަނައިބުކަން އެކަމަނާ ކުރައްވާފައިވާއިރު، ސަރުކާރުގައި އާޒިމާ އެންމެ ފަހުން އަދާކުރައްވާފައިވަނީ ރައީސް ޔާމިންގެ ދައުރުގައި އެމަނިކުފާނުގެ ލީގަލް އެޑްވައިޒަރުކަމުގެ މަގާމެވެ. ރައީސް ޔާމިންގެ ލީގަލް އެޑްވައިޒަރުކަމުގެ މަގާމުގައި ހުންނަވައިވައިގެން އާޒިމާވަނީ އޭރުގެ ސަރުކާރަށް ކުރިމަތިވި ގާނޫނީ ގިނަ ގޮންޖެހުންތަކުން އަރައިގަތުމަށް ކުރެވުނު ގިނަ މަސައްކަތަކުގެ އެންމެ ކުރީ ސަފުގައި ހުންނަވާފައެވެ.
އާޒިމާ ޝަކުރަކީ ދައުލަތަށް އެކަމަނާ ކުރައްވާފައިވާ އަގުހުރި ޚިދުމަތްތަކުގެ އިތުރުން، ގާނޫނީ ދާއިރާއިތާއިންވެސް ގިނަ ޚިދުމަތްތަކެއް ކޮށްދެއްވަމުން ގެންދަވާ ކަނބަލެކެވެ. އޭގެ ތެރޭގައި، ގާނޫނީ އެހީތެރިކަން ބޭނުންވެފައިވާ ތިބި، މާލީ ތަނަވަސްކަން ނެތްބަޔަކަށް އާޒިމާވަނީ ފާއިތުވެދިޔަ ތަނުގައި ހިލޭ ސާބަހަށް ގާނޫނީ އެހީތެރިކަން ފޯރުކޮށްދީފައިވެސްމެއެވެ.
ރައީސް މުއިއްޒު ވެރިކަމަށް ވަޑައިގެންނެވުމާއެކު، އެމަނިކުފާނުވަނީ އަންހެން ކަނބަލުން ސިޔާސީ ދާއިރާއަށް ނެރުމަށް އާ ހިތްވަރެއް ދެއްވާފައެވެ. އޭގެތެރޭގައި ރައްޔިތުންގެ މަޖިލިހަށް ހޮވޭ އަންހެން ބޭފުޅުންނަށް ޚާއްސަ އިނާޔަތެއް ދެއްވާނެކަމަށްވެސް ރައީސް މުއިއްޒުވަނީ ވައުދުވެވަޑައިގެންފައެވެ.
އެގޮތުން، ރައީސް މުއިއްޒުގެ ޒައާމަތުގައި މާލޭ ސިޓީގެ މޭޔަރުކަމަށް އަންހެން ކަނބަލު ވާދަކުރައްވާކަމީ، މިވެރިކަމުގައި ގައުމީ ޚިދުމަތުގެ މައިދާނަށް އަންހެން ކަނބަލުން ނެރުމަށް ރައީސް މުއިއްޒު ދެއްވާ އިސްކަން ވަރަށްވެސް ރަގަޅަށް ތަމްސީލުކޮށްދޭ ކަމެއްކަމުގައި ގިނަބަޔަކު ދަނީ ދެކެމުންނެވެ.
ހައިބަތު ހުރި ސިޓީއަކަށް މާލެ!
މާލޭ ސިޓީގެ މޭޔަރު ކަމަށް ކުރީގެ ބަންޑާރަނާއިބު އައިޝަތު އާޒިމާ ޝަކޫރު ކުރިމަތިލައްވަން ނިންމަވައި އެކަން އިއުލާނުކުރައްވަމުން އެކަމަނާ ވިދާޅުވެފައިވަނީ، އަންނަ ޖަނަވަރީ މަހު ބޭއްވުމަށް ހަމަޖެހިފައިވާ މާލޭ ސިޓީގެ މޭޔަރުކަމުގެ މަގާމަށް، ޕީޕީއެމް/ޕީއެންސީގެ ޓިކެތްގައި ކުރިމަތިލާން އެކަމަނާ ގަސްތުކުރެއްވި ހަގީގީ ސަބަބަކީ މާލޭ ސަރަހައްދު ހަގީގީ މާނައިގައި ތަރައްގީކުރުމަށްޓަކައި އަދިވެސް ބޮޑެތި މަސައްކަތްތަކެއް ކުރަންޖެހިފައިވާކަމަށް އެކަމަނާ ގަބޫލު ކުރައްވާތީ ކަމުގައެވެ.
އަދި އެކަން ހާސިލްކުރުމަށް ދިވެހި ރައްޔިތުންނަށް އެހީތެރިކަން ފޯރުކޮށްދެއްވަން ބޭނުންފުޅުވާކަމުގައިވެސް އާޒިމާ ވިދާޅުވެފައި ވެއެވެ.
“އަޅުގަނޑު އެމަގާމަށް ކުރިމަތިލުމަށް ގަސްތުކުރީ އަޅުގަނޑަކީ، އުމުރުން 17 އަހަރުން ފެށިގެން ގައުމީ ހިދުމަތުގައި ދެމިހުރި މީހަކަށްވެފައި، ރައްޔިތުންނާއި ގާތުން ހިދުމަތް ކުރުމުގެ ޝައުގު އަޅުގަނޑުގެ ހުރީތީ، އަދި މާލޭ ސަރަހައްދު ހަގީގީ މާނައިގައި ތަރައްގީކުރުމަށްޓަކައި އަދިވެސް ބޮޑެތި މަސައްކަތްތަކެއް ކުރަންޖެހިފައިވާކަމަށް އަޅުގަނޑަށް ގަބޫލުކުރެވި، އެ ކަންކަން ދިވެހި ރައްޔިތުންނަށް ކޮށްދިނުމުގައި އިސްނެގުމަށް އަޅުގަނޑު ބޭނުންވާތީ.
ޕީޕީއެމް/ޕީއެންސީގެ ޓިކެޓުގައި މާލޭގެ މޭޔަރުކަމަށް ކުރިމަތިލާން ގަސްތުކޮށްފައިވާކަން ހާމަކުރައްވަމުން، އެންމެ ބޭފުޅުންގެ ތާއީދަށް އެދެމުން އާޒިމާ ވިދާޅުވެފައި ވެއެވެ.
މާލޭ ސިޓީ ތަރައްގީ ކުރުމަށް ގެންގުޅުއްވާ ވިސްނުން އާންމު ރައްޔިތުންނަށް ހުށަހަޅުއްވައި ދެއްވަމުން އާޒިމާ ވިދާޅުވެފައިވަނީ މިއަދުގެ މި ހާލަތުގައި، މާލޭގެ މޭޔަރު ކަމުގައި ހުންނެވި ތައުލީލީ އަދި ގާބިލު ބޭފުޅަކު ގައުމުގެ ރިޔާސަތާ ހަވާލުވެވަޑައިގަންނަވާ ވަގުތު، އެމަނިކުފާނުގެ ގައުމީ ވިސްނުންފުޅުތަކާއެކު މާލޭގައި ހުރި ބޮޑެތި މައްސަލަތައްވެސް ހައްލުކޮށް މާލޭއަކީ ހަގީގީ މާނަގައިގާ ދިވެހިރާއްޖޭގައި ވެރިރަށުގެ ގޮތުގައި ތަރައްގީ ކުރެވޭނެ ގާބިލު، ކަމަށް އެކަށޭނެ ތެދުވެރި ދިވެހި ދަރިއަކު މޭޔަރުކަމުގެ މަގާމަށް އިސްކުރުމަކީ ގްރޭޓަރ މާލޭގެ ތަރައްގީއަށާއި ރާއްޖެއަށް އެންމެ ފައިދާހުރި ގޮތްކަމުގައި ވާނެ ކަމުގައެވެ.
ހާއްސަގޮތެއްގައި، ދިވެހިރާއްޖޭގެ ކޮމަރޝަލް ކެޕިޓަލްގެ ގޮތުގައި އޮތް، ރާއްޖޭގެ އާބާދީގެ ދެބައިކުޅައެއްބައި ރައްޔިތުން ދިރިއުޅޭ އަދި އެތައް ބަޔަކު އިތުރަށް ތައުލީމު ހާސިލުކުރުމަށާއި، ބޭސްފަރުވާ ކުރުމަށާއި، ވިޔަފާރިކުރުމަށް އަދި ދަތުރުފަތުގެ ބޭނުމަށް އައިސް އުޅެންޖެހޭ ރަށްކަމުގައިވާ މާލެ، އެންމެ ފުރިހަމަ މާނައިގައި ދިވެހިރާއްޖެ ރަމްޒުކޮށްދޭނެ ހައިބަތުހުރި ތަނެއްގެގޮތުގައި ތަރައްގީވާންޖެހޭ، މިކަންކަން ކުރުމުގައި، މިހާރުގެ މޭޔަރު އަދި އިންތިހާބީ ރައީސް އެކުލަވާލައްވާފައިވާ، މާލޭގެ ސްޓްރެޓެޖިކް އެކްޝަން ޕްލޭން އެކުގައި ތަންފީޒުކުރެވެންޖެހޭ، އަދި ހަމައެއާއެކު މާލޭގައި ހުރި ބޮޑެތި މައްސަލަތައް ހައްލުކުރުމަށް ރޭވުންތެރިކަމާއެކު، ގައުމީ އަދި ރަށު ފެންވަރުގައި އިތުރު ބޮޑެތި މަސައްކަތްތަކެއް ކުރަންޖެހޭ، އަދި މި މައްސަލަތަކަކީ ގައުމީ ފެންވަރުގައި ހައްލުތަކެއް ލިބިގެންނޫނީ ހައްލުނުލިބޭނެ ކަންކަމަށްވާއިރު، މިކަންކަމުގައި ސަރުޚާރާއެކު މަސައްކަތް ކުރުމުގެ ވިސްނުން އިސްކުރަން ޖެހޭ.
އާޒިމާ ވިދާޅުވެފައި ވެއެވެ.
އެއްވެސް ޝައްކެއް ނެތް ގޮތުގައި ރާއްޖޭގެ މާލެއަކީ އަދިވެސް ރާއްޖޭގެ އާބާދީގެ ދެބައިކޮށްފަ އެއްބަޔަށްވުރެ ގިނަ މީހުން ދިރިއުޅެމުންދާ ސިޓީއެވެ. ގިނަ ޚިދުމަތްތައް އަދިވެސް ޖަމާވެފައި ހުރީ މި ސިޓީއަށެވެ. އެހެންކަމުން މިއީ "ލިވްއޭބަލް"، ނުވަތަ އިންސާނުންނަށް އުފަލާއެކު ދިއިރުއުޅެވޭނެ ސިޓީއަކަށް ވާން ޖެހެއެވެ.
އެމަގުސަދު ހާސިލްވާނީ ކަމަށް ގާބިލް، ކެރޭ، ތައުލީމީ ބޭފުޅަކު މާލޭ ސިޓީގެ މޭޔަރުކަމަށް އިންތިޚާބު ކުރެވިގެންނެވެ.
މިމަގުސަދު ހާސިލް ކުރެވޭނީ، ބައިބައިވުމާއި ވަކިވުމުގެ ވިސްނުންތައް ދޫކޮށް މުޖްތަމައުގެ މަސްލަހަތު އިސްކޮށް، ގްރޭޓާ މާލޭގެ ސަރަހައްދަކީ އެންމެންނަށް ފަހުރުވެރިވެވޭވޭ، 21 ވަނަ ގަރުނުގެ ޒަމާނީ ތަހުޒީބާއި ތަމައްދުނުގެ ހައިބަތުހުރި ކެޕިޓަލް ސިޓީއެއްގެ ގޮތުގައި ތަރައްގީ ކުރުމުގެ ހަގީގީ ތަސައްވުރު ހުރި މާލިމީއަކު މޭޔަރުކަމަށް އިންތިޚާބު ކޮށްގެންނެވެ.
އާޒިމާ އެދިލައްވަނީ އޭނާއާއެކު އަތުގުޅާލައްވައި އެންމެން އެކުގައި މިމަގުސަދު ހާސިލް ކުރުމަށް ނިކުންނެވުމަށެވެ.
