އެފްއޭއެމުން އިއުލާންކޮށްފައިވާ އެ އެސޯސިއޭޝަން އިންތިޚާބުގައި އެ ޖަމިއްޔާގެ ރައީސްކަމަށް ވާދަކުރުމަށް މަހިބަދޫ ދާއިރާގެ މެމްބަރު ޓޮމް ފޯމު ހުށަހަޅުއްވައިފިއެވެ.

އޭނާ ކުރެއްވި އެކްސް ޕޯސްޓުގައި ވަނީ، އެ އެސޯސިއޭޝަންގެ ރައީސްކަމުގެ އިތުރުން އެގްޒެކެޓިވް ކޮމިޓީގެ އެހެން މަގާމްތަކަށް ވާދަކުރާ މެމްބަރުންގެ ލިސްޓެއްވެސް ޕޯސްޓު ކޮށްފައެވެ.

އޭގެ ތެރޭގައި ހިމެނެނީ:

އެގްޒެކްޓިވް ކޮމިޓީ:

1- ރައީސް: ޢަހްމަދު ތާރިޤް

2- ނާއިބު ރައީސް: އިމްރާން މުހައްމަދު (ކީޕަރު)

3- ނާއިބު ރައީސް: ހުސައިން ޝާފިއު (މާޒިޔާ)

4- މެންބަރު: އަޙްމަދު ޝާހިރު

5- މެންބަރު: އަބްދުލްހަމީދު އަބްދުލް ޤަފޫރު

6- މެންބަރު: އުލާ އިބްރާހިމް (މަހިބަދޫ ސކ) 7- މެންބަރު: މުހައްމަދު މިފްތާޙް (ޓީސީ)

8- މެންބަރު: އަލީ ރިޒްވާން

9- މެންބަރު: އަބްދުﷲ ނާސިޙް

ޓޮމް އެފްއޭއެމްގެ ރައީސް ކަމަށް ވާދަކުރައްވާނެ ކަން އިއުލާން ކުރެއްވި އިރު، ގައުމީ ޓީމުގެ ފޯވާޑް އަލީ އަޝްފާގް (ދަގަނޑޭ) ވެސް އެފްއޭއެމްގެ ރައީސްކަމަށް ވާދަކުރަން އުޅޭ ކަމުގެ އަޑުތައް ފެތުރުނެވެ. އެހެންނަމަވެސް އެކަމަކު، އެކަމާ ގުޅޭ ގޮތުން ދަގަނޑޭ ވަކި އެއްޗެއް ބުނެފައެއް ނުވެއެވެ.

ސެޕްޓެމްބަރު 2016 ގައި  ޓޮމްއާ އެކު، އިންތިހާބުވި އެގްޒެކްޓިވް ކޮމިޓީގެ ފަސް މެމްބަރުން އިސްތިއުފާ ދިނުމާ އެކު، އެ އެސޯސިއޭޝަންގެ އަސާސީ ގަވާއިދު ބުނާގޮތަށް އިންތިހާބެއް ބާއްވަން ޖެހުނެވެ.

ފަސް މެމްބަރުން އޭރު އިސްތިއުފާ ދިނީ، އޭރު އެސޯސިއޭޝަންގެ ޖެނެރަލް ސެކްރެޓަރީ އަކަށް ހުރި، ފަހުން މަގާމް ގެއްލިފައިވާ އެފްއޭއެމްގެ ރައީސް ބައްސާމް އަދީލް ޖަލީލް މަގާމުން ދުރުކުރި ގޮތާ މެދު ހިތްހަމަނުޖެހުން ފާޅުކުރުމަށް ފަހުއެވެ. އެ އިންތިހާބުގައި ޓޮމްއާ ވާދަކުރައްވައި، ކާމިޔާބު ހޯދީ ވެސް ބައްސާމެވެ.

ރާއްޖޭގެ ފުޓުބޯޅަ ޖަމިއްޔާ އެެފްއޭއެމްގެ ގެ އެކްސްކޯގެ ފަސް މެންބަރުން އިއްޔެ އިސްތިއުފާ ދިނުމާއި ގުޅިގެން އެ އެސޯސިއޭޝަންގެ ރައީސް ބައްސާމްގެ މަގާމު އިއްޔެވަނީ ގެއްލިފައެވެ.

ކޮރަޕްޝަންގެ ބޮޑެތި ތުހުމަތުތަކެއް ކުރެވިފައިވާ ބައްސާމްގެ މަގާމް ގެއްލުނީ އެފްއޭއެމްގެ އެކްސްކޯގެ 9 މެމްބަރުންގެ ތެރެއިން 5 މެމްބަރަކު އިސްތިއުފާ ދެއްވުމާއެކު، އެ ކޮމިޓީގެ ސައްހަ މެންބަރުންގެ ގޮތުގައި މިހާރު ތިއްބެވީ ހަތަރަކަށް ބަދަލުވެ، ބައްސާމް މަގާމުގައި ހުންނަން ބޭނުންވާ ގާނޫނީ އަދަދު ގެއްލުމުންނެވެ.