އައު އަހަރަށް އޮލިމްފަހުގައި އެޅުވުމަށް އަމާޒު ހިފައިފައިވާ ފިލްމް "މީ އިޝްގް" އިން ޓިކްޓޮކް ޗެލެންޖެއް ހުޅުވައިލައިފިއެވެ.
އެގޮތުން އެ ފިލްމް ގެ މިހާތަނަށް އާންމުކުރި ލަވަތަކުގެ ތެރެއިން ލަވަކަށް ޓިކްޓޮކް ހަދައިގެން އިނާމު ހޯދޭ ޗެލެންޖުގައި ބައިވެރިވާން ހަދަން ޖެހޭ ގޮތަކީ ލަވައަކަށް ޓިކްޓޮކް ހަދާފައި #މީއިޝްގު ޖަހާފައި އަޕްލޯޑްކުރާނީ އެވެ. އަޕްލޯޑްކުރާ އިރު، ފިލްމުގެ ބަތަލާ އައިމިނަތު ރަޝްފާ (އާޝާ) ގެ ޓިކްޓޮކް އެކައުންޓް @ޗުވީޓްއާޝާ2 ޓެގްކުރަން ޖެހޭނެ އެވެ.
އެ ފިލްމުގެ ޓީމުން މިކަން އިއުލާންކޮށް ބުނީ އެންމެ ގިނަ ލައިކްސް ލިބޭ ޓިކްޓޮކަށް އިނާމެއްގެ ގޮތުގައި 2،500ރ. ގެ އިތުރުން ފިލްމުގެ ޕްރީމިއާ ޝޯ އިން ދެ ޓިކެޓް ލިބޭނެ ކަމަށެވެ.
https://www.facebook.com/permalink.php?story_fbid=301492276216713&id=100090678297300&ref=embed_post
ދިވެހި ފިލްމް އިންޑަސްޓްރީގެ ޒުވާން ދެ ތަރިން ކަމުގައިވާ ޝަރަފު އަބްދުﷲ އާއި އައިމިނަތު ރަޝްފާ (އާޝާ) ލީޑް ރޯލުން ފެނިގެންދާ މި ފިލްމް ރިލީޒް ކުރުމަށް ތާވަލް ކޮށްފައިވަނީ އަންނަ އައު އަހަރުގެ ޖެނުއަރީ 6 ކަށެވެ.
މި ފިލްމަކީ ޒުވާން ޑައިރެކްރު އަޒްހާން އިބްރާހިމްގެ އަލަތު ފީޗާ ފިލްމެވެ. އޭނަ ކުރިން ވަނީ "ދަރަކަ" އާއި "މިރާއީ" ކިޔާ ވެބް ސީރީޒްތަކެއް ގެނެސްދީފަ އެވެ. އަޒްހާން ލިޔެ، ޑައިރެކްޓްކޮށްފައިވާ "މީ އިޝްގު" އަކީ ދިވެހި ފިލްމު ސްޓޫޑިއޯގެ އުފެއްދުމެކެވެ.
