އެއްވެސް މީޑިއާއެއް ބްލޮކުކޮށް ފިޔަވަޅު އެޅުމަކި ނާތަހުޒީބު އަމަލެއް ކަމަށާއި، ޚިޔާލު ފާޅުކުރުން ހަނިކުރަން ކުރާ މަސަައްކަތް ހުއްޓާލުމަށް އިލްތިމާސްކުރާކަމަށް، އެމްޑީޕީގެ ޓިކެޓްގައި މާލޭ ސިޓީގެ މޭޔަރުކަމަށް ވާދަކުތައްވާ އާދަމް އާޒިމް ވިދާޅުވެއްޖެއެވެ.
މީޑިއާތަކަށް ފިޔަވަޅު ނޭޅުމަށް އާދަމް އާޒިމް ގޮވާލައްވާފައިވަނީ ސަރުކާރަށް ފާޑު ކިޔަމުން އައި ދެ ނޫހެއް ސަރުކާރުން ބްލޮކް ކުރުމާއި ގުޅިގެން ސަރުކާރަށް ގިނަ ބައެއްގެ ފާޑު ކިޔުން އަމާޒު ވެފައި ވަނިކޮށެވެ.
ރޭގެ ވަގުތެއްގައި ސަރުކާރުން ވަނީ ކުރުސީ.ކޮމް އާއި ދިޔަވަރު.ކޮމްގެ ނަމުގައި ހިންގަމުން އައި ދެ ވެބްސައިޓެއް ބުލޮކް ކޮށްފައެވެ. މި ދެ ވެބްސައިޓަކީވެސް ސަރުކާރަށް ވަރަށް ބޮޑަށް ފާޑުކިޔުމުގެ ނަޒަރަކުން ލިޔަމުން އައި ދެ ވެބްސައިޓެކެވެ.
މި ދެ ވެބްސައިޓު ބްލޮ ކުރިމައްސަލާގައި ސަރުކާރަށް އަމާޒުވެފައިވާ ފާޑުކިޔުންތަކަށް ރައްދު ދެއްވާ ސަރުކާރުގެ ތަރުޖަމާން މުހައްމަދު ޝަހީބު އެކްސްގައި ކުރެއްވި ޕޯސްޓެއްގައި ވިދާޅުވީ ގާނޫނާއި ގަވައިދުތަކުގެ ދަށުން ރާއްޖޭގައި ރަޖިސްޓްރީކޮށްގެން ހިންގާ އެއްވެސް ނޫހެއް ނުވަތަ މަޖައްލާއެއް ސަރުކާރުން ބްލޮކެއް ނުކުރާނެ ކަމަށެވެ.
ކުރުސީ.ކޮމް އާއި ދިޔަވަރު.ކޮމް އަކީ ރަޖިސްޓާ ކޮށްގެން ހިންގާ ދެ ނޫހެއް ނޫނެވެ. އެކަމަކު ރާއްޖޭގައި މިހާތަނަށް ވެސް ރެޖިސްޓްރީނުކޮށް ނޫސްތައް ހިންގަ އެވެ. އަދި އިސްރާއީލު ފަދަ ގައުމަތަކުން ހިންގާ އޮންލައިން ނޫސްތައްވެސް ރާއްޖޭގައި ބްލޮކު ކޮށްފައެއް ނުވެއެވެ.
ނޫސްވެރިކަމުގެ މިނިވަންކަން އޭގެ އެންމެ ފުޅާމިނުގައި ދެމެހެއްޓުން މި ސަރުކާރުން ކަށަވަރުކުރާނެ ކަމުގެ ޔަގީންކަން އަރުވަން.
ޝަހީބު ވިދާޅުވި އެވެ.
މި ދެ ވެބްސައިޓް ބްލޮކް ކުރި މައްސަލާގައި އާދަމް އާޒިމް ވިދާޅުވެފައިވަނީ، އޭނާ ފުރަތަމަ ޕްރައިމަރީއަށް ފޯމު ހުށަހެޅި ދުވަހުވެސް ވަރަށް ހާމަކަންބޮޑުކޮށް މީޑިއާތަކާ ގުޅިގެން މަސައްކަތް ކުރާނެކަމަށް ދަންނަވާފައިވާނެ ކަމަށެވެ. އަދި އެއްވެސް މީޑިއާއެއް ބްލޮކްކޮށް މައުލޫމާތު ހޯދުމަށް އެއްވެސް ފަރާތަކުން ހުރަސްއަޅަން މަސައްކަތްކުރުމަކީ ވަރަށް ނާތަހުޒީބު އަމަލެށްކަމަށްވެސް އާދަމް އާޒިމް އެކްސްގައި ކުރި ޕޯސްޓުގައި ވިދާޅުވެފައި ވެއެވެ.
ކޮމެންޓު ފޮނުވާ