ރިޝްވަތާއި މަނީ ލޯންޑަރިންގެ ކުށް ސާބިތުވެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޔާމިންގެ ބަންދަށް ލުއިތަކެއް ހޯދެއްވުމަށް އެމަނިކުފާނުގެ ފަރާތްޕުޅުން ހުށަހަޅުއްވާފައިވާކަމަށް ކަރެކްޝަންސްއިން ބުނެފިއެވެ.
ބަނދުގައި ހުންނެވި ނަމަވެސް ޔާމިންގެ ގެނަދަވަނީ އެމަނިކުފާނު އުފައްދަވާ ސިޔާސީ ޕާޓީގެ ހަރަކާތްތަކުގެ ބައިވެރިވެވަޑައިގަންނަވަމުންނެވެ. އަދި ކަރެކްޝަންސްއިން ގެންދަނީ އެ މައްސަލަ ތަހުގީގުވެސް ކުރަމުންނެވެ.
ކަރެކްޝަންސްގެ މީޑިއާ އޮފިސަރު މިއަދު ވިދާޅުވީ، ރައީސް ޔާމީންގެ ބަންދަށް ލުއިތަކެއް ހޯދުމަށް އެދިފައިވީނަމަވެސް، ނަމަވެސްޤާނޫނީ ފުށު އެރުންތަކެއް ހުރުމުން އިތުރު ލުއިތަކެއް ދެވެން ނެތްކަން އަންގާފައިވާ ކަމަށެވެ.
އެހެންމަަވެސް ހޯއްދެވުމަށް ރައީސް ޔާމިންގެ ފަރާތުން އެދިފައިވަނީ ކޮން ލުއިތަކެއް ހޯދުމަށް ކަމެއް ހާމަ ކޮށްފައެއް ނުވެއެވެ. ރައީސް ޔާމިން އުފެއްދުމަށް މަސައްކަތް ކުރަމުދާ ޕާޓީގެ އިސްފަރާތެއް ކަމަށްވާ މަލީހު ޖަމާލް ވިދާޅުވެފައިވަނީ ޔާމިންގެ ޕާޓީ، ޕީއެންއެފް އުފައްދާ ޖަލްސާގައި ޔާމިން އިންނަވަން ޖެހޭނެ ކަމުގައެވެ.
ޔާމީންގެ ބަންދަށް އެންމެ ފަހުން ލުޔެއް ދީފައިވަނީ ކުރީގެ ރައީސް، އިބްރާހިމް މުހައްމަދު ސޯލިހުގެ ވެރިކަމުގައެވެ.
ރައީސް ޔާމީންގެ މައްޗަށް 11 އަހަރުގެ ޖަލު ހުކުމެއް އިއްވާފައިވާއިރު، އެމަނިކުފާނުގެ ފަރާތްޕުޅުން ހުށަހަޅާފައިވާ އިސްތިއުނާފުގެ ޝަރީއަތް މިހާރު ވަނީ ނިމުމަކާއި ހަމައަށް އައިސްފައެވެ.
