އޮލިމްޕަހުގައި މިހާރު ދައްކަމުން އަންނަ ފިލްމު "ނޮވެމްބާ" ގެ ލަވަ އެއް ބެލުންތެރިންނަށް ދޫކޮށްލައިފިއެވެ. އަސަރުގަދަ ލޯބީގެ ފިލްމް ޕްރިމިއާ ކުރީ މިމަހުގެ 4 ވަނަ ދުވަހުގައިއެވެ.
ރާއްޖޭގެ މަޝްހޫރު ބޭންޑެއް ކަމަށް އިކްއޭޓިކް ވައިބްގެ މިއުޒިކަށް ހަދާފައިވާ މި ލަވަ އިގެ ނަމަކީ "އިންތިޒާރޭ" އެވެ. މަޑުމައިތިރި ރާގެއްގެ މި ލަވައަކީ ވަރަށް އަޑުއަހައިލަން ހިތްފަސޭހަ ލަވައެކެވެ.
https://www.facebook.com/darkrainentertainment/posts/pfbid0btwAnNWwPE2SF2ioEB8ssu4t44Cy3RbFdjzpVsZ8oKN8Eg1QjnRZaETmKkvxSx31l
މި ފިލްމް ގެ ސްކްރީންޕްލޭ ލިޔުނީ ޢާއިޝަތު ފުއާދު އާއި ޢަހްމަދު ޠަލާލް އެވެ. ޑައިރެކްޓްކޮށް ކެމެރާކުރީ ޝިފާއު (ޗިއްޕެ) އެވެ. ކޯ-ޑައިރެކްޓަރެއްގެ ގޮތުގައި ހަރަކާތެރިވެފައިވަނީ އާއިޝަތު ފުއާދެވެ. ޗިއްޕެއާއެކު ކެމެރާކުރުމުގައި އަޙްމަދު ޝިނާން ވެސް ހަރަކާތެރިވިއެވެ.
މީގެ މަންޒަރުތައް ސިންގަޕޫރުގެ އިތުރުން އައްޑު އާއި ލ. އަތޮޅާއި މާލޭގެ އިތުރުން ކ. އަތޮޅުގެ ބައެއް ރަށްރަށުގައި ވެސް ނަގާފައިވެ އެވެ. މަޖުދާ (މަޖޫ) އާއި ޖުމައްޔިލް ނިމާލު (ޖުމަލް) ލީޑް ރޯލު ކުޅެފައިވާ ފިލްމްގެ ރޯލަކުން ކުރީގެ އެކްޓަރު އިސްމާއީލް ވަޖީހު ވެސް ފެންނާނެ އެވެ.
