އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސަލަފް ޖަމިއްޔާގެ އިސްވެރިންނާ މިއަދު ބައްދަލު ކުރައްވައިފިއެވެ.
މި ބައްދަލުވުމަށްފަހު އިސްލާމިކް މިނިސްޓްްރީން ކުރި އެކްސް ޓުވީޓެއްގައި ބުނެފައިވަނީ މިނިސްޓަރ އޮފް އިސްލާމިކް އެފެއާޒް ޑރ.މުޙައްމަދު ޝަހީމް ޢަލީ ސަޢީދު ރާއްޖޭގެ މަޝްހޫރު އިސްލާމީ ޖަމްޢިއްޔާއެއް ކަމުގައިވާ ޖަމިއްޔަތުލް ސަލަފްއާއެކު ބިނާކުރަނިވި ބައްދަލުވުމެއް ބާއްވަވާފައި ވާކަމުގައެފެ. މި ބައްދަލުވުން ބާއްވާފައިވަނީ އެ ޖަމިއްޔާއިން ރަސްމީކޮށް އެދުމުން ކަމުގައި އިސްލާމިކް މިނިސްޓްރީގެ އެކްސް ޕޯސްޓުގައި ބުނެފައި ވެއެވެ.
އަދި މި ބައްދަލުވުމުގެ ސަބަބުން އެއްބަޔަކު އަނެއްބަޔަކަށް އެއްބާރުލުން ދީގެން އެކީގައި މަސައްކަތް ކުރުމަށް ބޭނުންވާކަން ހާމަވެގެން ދިޔަކަށްވެސް އިސްލާމިކް މިނިސްޓްރީން ބުނެފައި ވެއެވެ. އަދި ދެފާރާތުގެ ދެމުދުގައި ކުރެވުނީ ވަރަށް އުފެއްދުންތެރި މަޝްވަރާތަކެއް ކަމަށްވެސް އިސްލާމިކް މިނިސްޓްރީން ބުނެފައި ވެއެވެ.
މިއަދުގެ ބައްދަލުވުމަށްފަހު ސަލ؛ަފް ޖަމިއްޔާގެ ފޭސްބުކް ޕޯސްޓުގައި ބުނެފައިވަނީ އެޖަމިއްޔާގެ އެދުމުގެ ބައްދަލުވުމެއް އިންތިޒާމުކޮށްދެއްވި ކަމަށްޓަކައި މިނިސްޓަރ އޮފް އިސްލާމިކް އެފެއާޒް ޑޮކްޓަރ މުޙައްމަދު ޝަހީމް ޢަލީ ސަޢީދަށް ވަރަށް އިޚްލާޞްތެރިކަމާއެކު ޝުކުރު ދަންނަވަންނަވާ ކަމަށާއި، މި ބައްދަލުވުމަކީ ދެފަރާތުގެ ދެމެދުގައި ގުޅުން ބަދަހިކުރުމުގެ މުހިންމުކަން ދެނެގަނެ، އެއްބާރުލުން ދިނުމުގެ އުއްމީދުގައި ބޭއްވުނު ބައްދަލުވުމެއް ކަމުގައެވެ.
ފާއިތުވި ރިޔާސީ އިންތިޚާބުގައި ސަލަފް ޖަމިއްޔާއިން ތާއީދު ކޮށްފައިވަނީ ޑރ. މުއިއްޒުއަށެވެ.
ކޮމެންޓު ފޮނުވާ