އަންނަ މަހު ރިލީޒްކުރަން ހަމަޖެހިފައިވާ "ފައިޓާ" ގައި ރިތިކް ރޯޝަން ފެންނާނެ ގޮތުގެ ފަސްޓްލުކް ޕޯސްޓަރު ދައްކާލައިފި އެވެ.
ބޮލީވުޑްގެ އޭ ލިސްޓްުގެ ދެ ތަރިން ކަމުގައިވާ ރިތިކް ރޯޝަން އާއި ދީޕިކާ ޕަދުކޯން އެކުގައި ފެނިގެންދާ ފުރަތަމަ ފިލްމް، "ފައިޓާ" އަކީ އޭރިއަލް އެކްޝަން ފިލްމްއެކެވެ.
"ފައިޓާ" އަކީ ބޮލީވުޑްގެ ފުރަތަމަ އޭރިއަލް އެކްޝަން ތުރިލާ އެވެ. މި ފިލްމްގެ ވާހަކަ ބިނާކޮށްފައި ވަނީ އިންޑިއާގެ ވައިގެ އަސްކަރީ އޮފިސަރުންގެ ގައުމީ ހިދުމަތަށެވެ. އެހެންވެ ފައިޓަރޖެޓްގެ ވަރަށް ގިނަ ހާދިސާތަކެއް މިފިލްމުން ފެނިގެންދާނެއެވެ.
View this post on Instagram
މިހާރު ޕޯސްޓް ޕްރޮޑަކްޝަން މަރުހަލައިގައި އޮތް މި ފިލްމްއަކީ މިދިޔަ އަހަރުގެ ތެރޭގައި ޝޫޓިން ފެށި މި އޭރިއަލް އެކްޝަން ތުރިލާއެކެވެ. މީ މިދެތަރިންގެ އަލަތު ފިލްމްއެވެ. އެއާއި އެކުގައި ފިލްމް އަށް ކުރެވޭ އިންތިޒާރުވެސް ވަނީ ބޮޑުވެފައިއެވެ.
މި އަހަރު ގެނެސްދިން ޝާހްރުކް ޚާންގެ ކާމިޔާބު ފިލްމް "ޕަތާން" ގެ ޑައިރެކްޓަރު ސިދާތު އާނަންދު ގެނެސްދޭ "ފައިޓާ" އަކީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައި ގެނެސްދޭ އެއްޗެކެވެ.
