ކުރީގެ ރައީސް އަދި އެމްޑީޕީގެ ވަގުތީ ރައީސް އިބްރާހިމް މުހައްމަދު ސޯލިހް އެ ޕާޓީގެ ކޮމިޓީތަކުގެ މެމްބަރުންނާ ބައްދަލު ކުރެއްވުމަށް ފައްޓަވާފައިވާ ސިލްސިލާ ބައްދަލުވުންތައް މިއަދުވެސް ކުރިޔަށް ގެންދަވައިފިއެވެ.
އެމްޑީޕީން ހާމަކޮށްފައިވާ ގޮތުގައި މިއަދު ރައީސް ސާލިހު ވަނީ އެޕާޓީގެ ޔޫތު އެންޑް ރިސޯސް ކޮމިޓީއާއި، އިންތިޒާމްކުރުމާބެހޭ ކޮމިޓީގެ އިތުރުން އިންތިޚާބާބެހޭ ކޮމިޓީގެ މެމްބަރުންނާ ބައްދަލު ކުރައްވާފައެވެ.
މި ބައްދަލުވުމުގެ ފޮޓޯތައް އެމްޑީޕީން ވަނީ "އެކްސް" ގައި ހިއްސާކޮށްފައެވެ. އެހެންނަމަވެސް މި ބައްދަލުވުންތަކާބެހޭ އިތުރު ތަފްސީލެއް އެމްޑީޕީން ހިއްސާކޮށްފައެއް ނުވެއެވެ.
ޕާޓީގެ ރައީސް ޔޫތު އެންޑް ރިސޯސް ކޮމިޓީގެ މެންބަރުންނަާ ބައްދަލުކުރެއްވުން ކުރިއަށްދަނީ. pic.twitter.com/0NKFi4RyGr
— MDP Secretariat (@MDPSecretariat) December 4, 2023
މިއީ އެމްޑީޕީގެ ވަގުތީ ރައީސަކަށް، ރައީސް ސޯލިހް އައްޔަން ކުރެވުނުފަހު. ޕާޓީގެ ކޮމިޓީތަކާއި ބައްދަލު ކުރައްވަން ފައްޓަވާފައިވާ ސިލްސިލާގެ ބައްދަލުވުން ތަކެކެވެ. ރައީސް ސާލިހު އެމްޑީޕީގެ ވަގުތީ ރައީސަކަށް ހަމަޖައްސާފައިވަނީ ދާދިފަހުން އއ. އުކުޅަހުގައި ބޭއްވި އެޕާޓީގެ ގައުމީ މަޖިލިހުގެ ބައްދަލުވުމުގައެވެ.
ނިމިދިޔަ ރިޔާސީ އިންތިހާބުގައި ލިބުނު ބޮޑު ނާކާމީޔާބީއަށް ފަހު، އެމްޑީޕީ ވަރުގަދަ ސިޔާސީ ޕާޓީއެއްގެ ގޮތުގައި ނުކުތުމަށް އެ ޕާޓީން އަންނަނީ މަސައްކަތް ކުރަމުންނެވެ.
ކޮމެންޓު ފޮނުވާ