ބޮލީވުޑްގެ ދެ ސްޕަސްޓާރުން ކަމުގައިވާ ސަލްމާން ހާން އާއި ޝާހުރުކް ހާން އެކުގައި ފެނިގެންދާ ފިލްމް "ޓައިގާ ވާސަސް ޕަޓާން" ބެލުންތެރިންނަށް ގެނެސްދޭނީ 2026 ކަމަށް ރިޕޯޓްތައް ބުނެފި އެވެ.
މި ފިލްމް އަކީ މިއަހަރު ރިލީޒަ ކުރި ޝާހުގެ "ޕަޓާން" އާއި މިއަހަރު ރިލީޒް ކުރުމަށް ހަޖެހިފައިވާ ސަލްމާންގެ ފުންޗައިޒް "ޓައިގާ" ގެ ކެރެކްޓާ ތަށް ނަގައިގެން ހަދަން ނިންމައިފައިވާ އެއްޗެއް ކަމަށް މައުލޫމާތު ލިބެއެވެ.
ބޮލީވުޑް ހަންގާމާ އިން ބުނީ ޔާޝްރާޖް ފިލްމްސް (ވައިއާރްއެފް) ގެ ސްޕައި ޔުނިވާސް އަށް ނިސްބަތްވާ މި ފިލްމުގެ ޝޫޓިން އަންނަ އަހަރުގެ މާޗްގައި ފަށަން، ޕްރޮޑިއުސަރު އަދިތިޔާ ޗޯޕްޅާ ކުރިން ޕްލޭންކުރި ކަމަށެވެ.
ނަމަވެސް "ޓައިގާ ވާސަސް ޕަތާން" ގެ ސްކްރިިޕްޓް އިތުރަށް ފުރިހަމަކުރުމަށްޓަކައި ފިލްމުގެ މަސައްކަތް ފެށުން ލަސްކުރީ ކަމަށް އެ ނޫހުން ބުންޏެވެ. މި ފިލްމް އަކީ ވަރަށް ގިނަ ބަޔަކު އިންތިޒާރު ކުރަމުން އަންނަ ފިލްމްއެކެވެ.
މި ފިލްމުން އެމީހުން އެކުގައި ކުޅުން ފިލްމް ފަދައިން ވަރަށް ތާރީހީ ފިލްްމްއަކަށް ވެގެން ދާނެ ކަމަށްވެއެވެ. ސަލްމާނާއި ޝާހްރުކް ކުރިން ވެސް އެކީގައި ފިލްމުތަކެއް ކުޅުނެވެ. އޭގެ ތެރޭގައި އެންމެ ފާހަގަކޮށްލެވެނީ 1995 ގެ "ކަރަން އަރުޖުން" އާއި 1998 ގެ "ކުޗް ކުޗް ހޯތާ ހޭ" އެވެ.
މި ފިލްމު ޑައިރެކްޓްކުރާނީ ޖެނުއަރީގައި ރިލީޒްކުރި "ޕަތާން" ގެ ޑައިރެކްޓަރު ސިދާތު އާނަންދެވެ. ސިދާތު މިހާރު އަންނަނީ ރިތިކް އާއި ދީޕިކާ އެކުގައި ފެނިގެންދާ އަލަތު ފިލްމް "ފައިޓާ" ގެ މަސައްކަތް ކުރަމުންނެވެ.
ކޮމެންޓު ފޮނުވާ