އެމްޓީސީސީގެ އިސްވެރިން ރިޝަވަތު ހިފާކަމަށް ތުހުމަތުކޮށް މީޑިއާއަކުން ކޮށްފައިވާ ތުހުމަތުތައް ތަހުގީގު ކޮށްދިނުމަށް އެމްޓީސީސީން އޭސީސީގައި އެދިއްޖެއެވެ.
މިމައްސަލައާއި ގުޅޭގޮތުން އެމްޓީސީސީން ނެރުނު ބަޔާނެއްގަގައި ބުނެފައިވަނީ އެކުންފުންޏަކީ ރާއްޖޭގެ ތަފާތު އެކި ސިނާއަތްތަކުގައި ފުޅާދާއިރާއެއްގައި ވިޔަފާރީގެ ހަރަކާތް ކުރިއަށްގެންދާ ކުންފުންޏަކަށް ވެފައ،ި ކުންފުނިން އަބަދުވެސް މަސައްކަތްކޮށްފައިވާނީ ކުންފުނީގެ އާމްދަނީއާއި ފައިދާ އަދި ހިއްސާދާރުންނަށް ލިބ ނަފާ އިތުރުކުރުމާއި އެކު ކުންފުނީގެ ވަނަވަރު އިތުރަށް ތަރައްޤީކުރުމުގެ އިދާރީ ސަޤާފަތާއި އިދާރީ ސުލޫކުގެ އަސާސް އިސްކުރުމުގެ ރޫހުގައިކަމުގައެވެ.
އަދި މިހަޤީޤަތް ވޭތުވެދިޔަ 4 އަހަރު އެކުންފުނިން ހާސިލްކޮށްފައިވާ ކާމިޔާބީއާއި އާންމުކޮށްފައި މާލީ ނަތީޖާ އަދި އަހަރީ ރިޕޯޓްތަކުން ވަރަށް ސާފުކޮށް ފެންނަން ހުރި ނަމަވެސ،ް ހިތާމަޔަކީ ރައްޔިތުންނަށް އޮޅުވާލާ މި ކުންފުނި ބަދުނާމު ކުރުމުގެ ނިޔަތުގައި ބައެއް ފަރާތްތަކުން ހަޤީޤަތާއި ޚިލާފު ޚަބަރު ފަތުރަމުން ދިއުންކަންވެސް އެމްޓީސީސީގެ ބަޔާނުގައި ފާހަގަ ކޮށްފައިވެއެވެ.
އެގޮތުން "ދިޔަރެސް" ނޫހުގައި 27 ނޮވެމްބަރ 2023 ވަނަ ދުވަހު ލިޔެފައިވާ "އާޒިމް ފަހުކަމަކަށް ވެސް ބޮޑު ވައްކަމެއ،ް ބޮޑު ހިލަ ޓަނަކުން 11 ޑޮލަރު އަމިއްލަ ޖީބަށް!" މި ސުރުޙީގެ ދަށުން ޝާއިޢުކޮށްފައިވާ ޚަބަރަކީ ކަނޑައެޅިގެން ހަޤީޤަތާއި ޚިލާފު ދޮގު ޚަބަރެކެވެ. އަދި ދަންނަވަމަވެ. ޙަވާލާ ދެވުނު ދިޔަރެސް ނޫހުގެ ޙަބަރަކީ ރައްޔިތުންގެ ހިތުގައި މިކުންފުންޏަށާއ،ި ކުންފުނީގެ އިސްވެރިންނަށް ލިބިފައިވާ އިތުބާރާއ،ި ލޯބި ފަނޑުކޮށްލުމަށް ގަސްތުގައި ކޮށްފައިވާ ނާތަހުޒީބީ އަމަލެއްކަން ހިތާމައާއެކު ފާހަގަކުރަމެވެ. އެގޮތުނ،ް ދިޔަރެސް ނޫހުން މި ކުންފުނީގެ އިސް ވެރިންތަކެއް ނާޖާއިޒު މާލީ މަންފާ ލިބޭނެހެން ޢަމަލުކޮށްފައިވާކަމަށް ތުހުމަތުކުރާއިރ،ު މިއީ އެއްވެސް އަސާސެއް އަދި ބުރަދަނެއް ނެތް ދޮގު ވާހަކަތަކެއްކަމުގައި ދަންނަވަމަވެ.
އެމްޓީސީސީގެ ބަޔާނުގައި ވިދާޅުވެފައިވައެވެ.
އެމްޓީސީސީން ބުނެފައިވަނީ، މެ ކުންފުނިން ކުރިއަށްގެންދާ މަޝްރޫއުތަކަށް ބޭނުންވާ ތަކެއްޗާއި އަދި ކުންފުނީގެ އެކިއެކި ބޭނުމަށް ގެނެވޭ މުދަލުގެ މުޢާމަލާތަތަކަކީ ކުންފުނީގެ ބޯޑުން ފާސްކޮށްފައިވާ ޕްރޮކިއުމަންޓް ޕޮލިސީއާއި އެއްގޮތަށް ކުރިއަށްދާ މުޢާމަލާތްތަކެއްކަމުގައެވެ.
އެގޮތުން، އިސްވެދެންނެވުނު ޕޮލިސީގައި އެފަދަ މުއާމަލާތްތަކުގެ ހުއްދަ ދިނުމަށް ވާނީ އެކި މަރުހަލާތަކުގައި ހުއްދަ ދިނުމަށް ގިންތި ކަނޑައެޅި ޑޮކިޔުމަންޓްކުރެވިފައއިކަން ކުންފުނީގެ ބަޔާނުގައި ފާހަގަ ކޮށްފައި ވެއެވެ. އެމްޓީސީސީން ބުނެފައިވަނީ އެކުންފުނިން އަބަދުވެސް އިސްކޮށްފައިވާނީ ކުންފުންޏާއި ކުންފުނީގެ ހިއްޞާދާރުންގެ މަސްލަހަތު ކަމުގައެވެ.
އެމްޓީސީސީގެ ބަޔާނުގައި އިތުރަށް ބުނެފައިވަނީ، ދިޔަރެސް ނޫހުން ކޮށްފައިވާ ތުހުމަތުތަކާއި ގުޅޭގޮތުން ރައްޔިތުންނަށް އެކަމުގެ ހަޤީގަތް ސާފުކޮށްދިނުމަށް އޭސީސީއިން ތަހުޤީގެއް ހިންގާދިނުމަށް އެދި އެކުންފުނިން އެ ކޮމިޝަނަށް މިހާރު ސިޓީއަކުން އެދިފައިވާ ކަމުގައެވެ.
އެގޮތުން ކުންފުނީގެ ވެރިންގެ ބޮލުގައި އެފަދަ ބޮޑެތި ތުހުމަތު އެއްވެސް ހެއްކެއްނެތި އަޅުވަމުން ދިޔަރެސް ނޫހުން މިގެންދަނީ އަބުރު ކަތިލުމުގެ ނުބައި ރޫހުގައިކަންވެސް ފާހަގަކޮށްފައި ވެއެވެ.
އެމްޓީސީސީން ވަނީ އެ ކުންފުންޏާއި ކުންފުނީގެ ވެރިން ބަދުނާމު ވާގޮތަށް އަދި ޢާންމު ރައްޔިތުންގެ މެދުގައ،ި ކުންފުންޏަށް އޮތް އިތުބާރު ގެއްލ ގޮތަށ،ް އެފަދަ ޙަޤީޤަތާއި ޚިލާފު ދޮގު ޚަބަރު ނުފެތުރުމަށް "ދިޔަރެސް" ނޫހަށް އިލްތިމާސް ކޮށްފައެވެ.
