ފިލްމް "ފްރީ ޑެލިވަރީ" ގެ ފޯރިގަދަ އަމިއްލަ ރާގުގެ ލަވަ "“ޔޫ އައި އަށް" ބެލުންތެރިނަށް ދޫކޮށްލައިފިއެވެ.
އެމިއްލަ ރާގުގެ މި ލަވަ އަކީ ފޯރިގަދަ ނެށުން ތަކެއް ވެސް ހިމެނޭ ފިލްމްއެކެވެ. އޭގެ އިތުރުން މި ލަވަ ފިލްމް ގައި ހިމަނާފައި ވަނީ އައިޓަމް ސޯގް އެއް ގެ ގޮތުގައިއެވެ. މިލަވައިން ފިލްމްގެ ލީޑުން ފެނިގެންދާ ތަރިންގެ އިތުރުން ރިޝްމީ އާއި ސީޒަން ވެސް ފެނިގެންދާނެއެވެ.
"ޔޫ އައި އަށް" ލަވައަކީ ފިލްމުގެ ޑައިރެކްޓަރު އިލްޔާސް ވަހީދުގެ ޅެންވެރިކަމުގެ އިތުރުން އަމިއްލަ ރާގުގެ ލަވައެކެވެ. ލަވަ ކިޔާފައިވަނީ މަޝްހޫރު ލަވަކިޔުންތެރިޔާ ޝަހީދާ ރިއްފަތު އާއި އަހުމަދު އިފްނާޒް ފިރާގްއެވެ.
މިހާރު އޮލިމްޕަހުގައި ދައްކަމުން އަންނަ ޑާކް ކޮމެޑީ "ފްރީ ޑެލިވަރީ" ގެ އެންމެ ފަހު ހަތަރު ޝޯ އޮންނާނީ ނޮވެމްބަރު 29 ،30 ވަނަ ދުވަހުގެ ރޭގެ އިތުރުން ޑިސެމްބަރު 01 އަދި 02 ވަނަ ދުވަހުގެ ރޭގައެވެ.
