ލިބުނު ތަރުހީބު ބޮޑުކަމުން "ކާލާ ޕާނީ"ގެ ދެވަނަ ސީޒަނެއް ގެނެސްދޭން ނިންމައިފި އެވެ.

މިއީ ނެޓްފްލިކްސް އިން މިދިޔަ މަހު ގެނެސްދިން ވެބް ސީރިޒް އެކެވެ. މި ވެބް ސީރީޒް ގެ ކާމިޔާބީ އާއި އެކުގައި ނެޓްފްލިކްސް އިން ވަނީ މިހާރު މީގެ ދެވަނަ ސީޒަން އެއް އަންނަކަން އެނައުންސް ކޮށްފައިއެވެ.

ނެޓްފްލިކްސް އިން ނެރުނު ނޫސްބަޔާނެއްގައި ބުނި ގޮތުގައި، މިދިޔަ މަހު 18 ގައި ސްޓްރީމް ކުރަން ފެށި އެ ސީރީޒަށް ލިބުނު ބޮޑު ކާމިޔާބީ އާއި އެކުގައި ދެވަނަ ސީޒަން އެއް ގެނެސްދޭ ކަމަށެވެ. ހަފުތާއެއް ނުވަނީސް 11 ގައުމެއްގެ އެންމެ މަގުބޫލު ސީރީޒްތަކުގެ ތެރޭގައި "ކާލާ ޕާނީ" ހިމެނުނެވެ.

އެ ސީރީޒްގައި ދައްކަނީ ބަންގާޅު ކަނޑުގައި އިންޑިއާގެ މެއިންލޭންޑާ ވަރަށް ދުރުގައި ވަކިން އޮންނަ އެ ގައުމުގެ ރަށްތަކެއް ކަމަށްވާ އެންޑަމަން އައިލެންޑްސްގައި ބޯފެނުން ޖެހޭ، ގައިންގަޔަށް އަރާ ނުރައްކާތެރި ބައްޔެއް ފެތުރި، ބޮޑު ބަލިމަޑުކަމަކަށް ބަދަލުވުމުން ސަލާމަތްވާން މީހުން ކުރާ މަސައްކަތެވެ.

ސަމީރު ސަކްސޭނާ އާއި އަމިތު ގޮލާނީ ޑައިރެކްޓްކުރި "ކާލާ ޕާނީ"ގެ ފުރަތަމަ ސީޒަންގައި މުހިންމު ރޯލުތައް ކުޅުނީ މޯނާ ސިންގް، އަޝުތޯޝް ގޯވާރިކާ، އަމޭ ވާގް، ސުކާންތު ގޯއެލް، ވިކާސް ކުމާރު، އަރޫޝީ ޝަރްމާ، ރާދިކާ މެހްރޮތުރާ، ޗިންމޭ މަންޑޭލްކަރު އަދި ޕޫރްނިމާ އިންދުރާޖިތު އެވެ.