މިދިއަ ސެޕްޓެމްބަރު މަހުގައި ރިލީޒް ކޮށް ބޮޑު ކާމިޔާބެއް ހޯދި ފިލްމް ޖަވާން ނެޓްފްލިކްސް އެފަދަ ކާމިޔާބު ފިލްމް އަކަށް ވެއްޖެއެވެ.
ޖަވާން އަކީ ސެޕްޓެމްބަރު މަހުގެ 7 ވަނަ ދުވަހުގައި ރިލީޒް ކުރި ފިލްމް އެކެވެ. ފިލްމް ބޮކްސްއޮފީހުގައި 1,148.32 ކަރޯރް ރުޕީސް ނުވަތަ 140 މިލިއަން ޑޮލަރުގެ ބޮޑު އާމަދަނީ އެއް ވަނި ލިބިގެން ގޮސްފައިއެވެ. މި ފިލްމް އަކީ 3 ބިލިއަން ރުޕީސް އިން އުފެއްދި ފިލްމް އެކެވެ.
ދެކުނު އިންޑިއާގެ ފިލްމު އިންޑަސްޓްރީގައި މަޝްހޫރު ޑައިރެކްޓަރު އަޓްލީ ކުމާރުގެ މި ފިލްމްގެ ކާސްޓަށް ކާސްޓަށް ބަލާ އިރު، މިއީ ބޮލީވުޑާއި ދެކުނުގެ ތަރިންތަކެއްގެ މުސްހުނި ކާސްޓެއް އެކުލެވޭ އެއްޗެކެވެ.
"ޖަވާން" ގެ ބަތަލާ އަކީ ދެކުނުގެ މަޝްހޫރު ބަތަލާ ނަޔަންތަރާ އެވެ. އިތުރު ކާސްޓުންގެ ތެރޭގައި ސާނިއާ މަލްއުތުރާ، ސުނިލް ގްރޯވާ، ވިޖޭ ސެތުޕަތީ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
"ޖަވާން" ނެޓްފްލިކްސްގައި ރިލީޒްކޮށްފައިވަނީ މިމަހުގެ ދެ ވަނަ ދުވަހު އެވެ. އެދުވަހުން ފެށިގެން މިއަދާ ހަމައަށް އައިރު އެފިލްމު ވަނީ ނެޓްފްލިކްސްގެ ގަދަ 10 ގައި ހިމެނިފަ އެވެ.
18 ގައުމެއްގެ ގަދަ 10 ގައި "ޖަވާން" ހިމެނިގެންގޮސްފައިވާއިރު ރާއްޖޭގެ އިތުރުން އިންޑިއާ، ސްރީ ލަންކާ، ޔޫއޭއީގައި އެފިލްމު ހިމެނެނީ އެއް ވަނާގައި އެވެ. "ޖަވާން" އަށް ބޮޑު ތަރުހީބެއް ލިބެމުން އަންނައިރު މިފިލްމު މިހާތަނަށް 15 މިލިއަން ގަޑައިރު ވިއުސް ވަނީ ލިބިގެން ގޮސްފަ އެވެ.
