ހދ ކުޅުދުއްފުށިން ޒުވާނަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަމުން އަންނަނީ ކުޅުދުއްފުށީ ލަންދޫގެ އަބްދުﷲ އިބްރާހިމްއެވެ. އޭނާ ގެއްލިގެން ހޯދަން ފަށާފައިވަނީ މިދިޔަ ބުރާސްފަތި ދުވަހުން ފެށިގެން ވީނުވީއެއް ނޭނގި އާއިލާއަށް ހަބަރެއް ވެފައި ނުވާތީއެވެ. އެނގިފައިވާ ގޮތުގައި އެ ދުވަހުގެ ހެނދުނުން ފެށިގެން އޭނާގެ ހަބަރެއް ވެފައެއް ނުވެއެވެ. އޭނާ އެދުވަހު ގެއިން ބޭރަށް ނުކުމެފައިވަނީ ވެސް ހެނދުނުގެ ވަގުތެއްގައެވެ.
އަބްދުﷲ އިބްރާހިމްގެ އެއްވެސް މައުލުމާތެއް ލިބިފައިވާނަމަ، 9904977 ނުވަތަ ކުޅުދުއްފުށި ފުލުހުންގެ ނަންބަރު 9791382 އަށް ގުޅައި މައުލުމާތު ހިއްސާ ކުރުމަށް ވަނީ އެދިފައެވެ.
