އެމްޑީޕީގެ ލީޑާރޝިޕްގައި މަސައްކަތްކުރެއްވި އަދި ރައީސް މުޙައްމަދު ނަޝިދުގެ ދައުރުގައި ރައީސް އޮފީހުގެ ޑެޕިއުޓީ އަންޑަރ ސެކްރެޓަރީގެ މަޤާމު އަދާކުރެއްވި ޝުޢައިބު ޢަލީ (ފުރަހަނި ޝުއައިބު) ރައްޔިތުންގެ މަޖިލީހުގެ ގަލޮޅު އުތުރު ދާއިރާއަށް ވާދަކުރައްވަން ނިންމަވައިފިއެވެ.
ގަލޮޅު އުތުރު ދާއިރާއަކީ އެމްޑީޕީން މީގެ ކުރިންވެސް ދަމަހައްޓަމުން އައި ގޮނޑިއެކެވެ. އެދާއިރާ ތަންސީލް ކުރައްވަނީ ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲއެވެ. އީވާ ވަނީ އެމްޑީޕީގެ ލީޑާރޝިޕްގައި އުފެދުނު ޚިޔާލުތަފާތުވުންތަކާއެކު އެމްޑީޕީ ދޫކުރައްވާ ރައީސް މުޙައްމަދު ނަޝީދު އުފެއްދެވި ދަ ޑިމޮކްރެޓްސްއާއި ގުޅިވަޑައިގެންފައެވެ.
ޝުޢައިބު ވިދާޅުވީ އޭނާ އެ ދާއިރާއަށް ވާދަކުރައްވަން ނިންމެވީ އެދާއިރާގައި މިހާރު ހުންނެވި އީވާ ޢަބްދުﷲ މަޤާމުން ދުރުކުރުންކަމަށެވެ.
ޝުއައިބު އީވާގެ ގަލޮޅު އުތުރު ދާއިރާއަށް ވާދަކުރަން ނިންމާފައިވަނީ އެމްޑީީގެ ޓިކެޓުގައެވެ. ޝުއައިބު ވަނީ މީގެ ކުރިންވެސް އެމްޑީޕީގެ މެންބަރެއްގެ ގޮތުގައި އެޕާޓީގައި މަސައްކަތްކުރައްވާފައެވެ. ނަމަވެސް ފަހުން އެޕާޓިން ދުރުކުރުމުން ވަނީ ސަން ސިޔާމްގެ އެމްޑީއޭއާ ގުލިފައެވެ. ނަމަވެސް ރިޔާސީ އިންތިޚާބުގައި އެމްޑީއޭއިން ރައީސް ޞާލިޙާއެކު ކުރަމުން އައި މަސައްކަތް ހުއްޓާލުމުން ޝުއައިބު ވަނީ އެމްޑީއޭއިން ވަކިވެފައެވެ. އަދި އެމްޑީޕީއަށް އަނެއްކާވެސް ސޮއިކުރިއެވެ.
