ހދ.ހަނިމާދޫގައި ޢުމުރުން ދުވަސްވީ މީހަކަށް ހަމަލާދީ ފައިސާތަކެއް ފޭރުނު މައްސަލާގައި ހައްޔަރުކުރި މީހާގެ ބަންދަށް 7 ދުވަސް ޖަހައިފިއެވެ.
ހަނިމާދޫގައި ޢުމުރުން ދުވަސްވީ މީހެއްގެ ގެއަށްވަދެ 63 އަހަރުގެ ފިރިހެނަކަށް ހަމަލާދީ ފައިސާ ފޭރުނު މައްސަލައެއް ފުލުހުންނަށް ހުށައަޅާފައިވަނީ މިދިޔަ އަންގާރަ ދުވަހުއެވެ. މި މައްސަލާގައި ފުލުހުން ވަނީ 25 އަހަރުގެ ދިވެހި ފިރިހެނަކު ހައްޔަރުކޮށްފައެވެ.
އޭނާ ހަނިމާދޫ މެޖިސްޓްރޭޓް ކޯޓަށް ޙާޒިރުކުރުމުން، ބަންދުގައި ބެހެއްޓުމަށް އެކޯޓުން 7 ދުވަސް ޖަހައިދީފައިވާކަމަށް ފުލުހުން ބުންޏެވެ.
ހަމަލާދިނުމުގެ ސަބަބުން ޢުމުރުން ދުވަސްވީ މީހާއަށް ކުޅުދުއްފުށީ ރީޖަނަލް ހޮސްޕިޓަލުގައި އަންނަނީ ފަރުވާދެމުންނެވެ. އޭނާގެ ހާލު ރަނގަޅުވަމުން އަންނަކަމަށް އެ ހޮސްޕިޓަލުން ވަނީ ބުނެފައެވެ.
