އަންނަ އަހަުރ ކުރީކޮޅުގައި ޝޫޓިންގ ފެށުމަށް ހަމަޖެހިފައިވާ ފިލްމް "އާޝިގީ 3″ ގެ ބަތަލާ އަކަށް ތާރާ ސުތާރިއާ ހަމަޖައްސައިފައި ވާކަމަށް ހަބަރުތަށް ބުނެފިއެވެ.
ޒުވާން އެކްޓަރު ކާތިކު އާރިޔާން ލީޑުން ފެނިގެންދާ މި ފިލްމް ގެ ބަތަލާގެ ލިސްޓަށް ތާރާގެ ނަން އިތުރުވެފައިވާ އިރުގައި މީގެ ކުރިން ވަނީ މި ލިސްޓަށް އެތަށް ބަތަލާއެއްގެ ނަން އަރައިފައިއެވެ.
މިހާރުވެސް ގިނަ ބަޔަކު އިންތިޒާރު ކުރަމުން އަންނަ މި ފިލްމް އަކީ ވަރަށް އަސަރުގަދަ ލޯބީގެ ފިލްމްއެކެވެ. މީގެ ކުރިން މި ނަމުގައި ނެރުނު ދެ ފިލްމް ވެސް ވަނީ ބެލުންތެރިންގެ މެދުގައި ބޮޑު މަގުބޫލު ކަމެއް ހޯދައިފައިއެވެ. އަދި ހަމަ އެހެންމެ މި ފިލްމްގެ ލަވަ ތަކަކީ ވެސް ވަރަށް ބޮޑު މަގުބޫލު ކަމެއް ހޯދައިފައިވާ ލަވަތަކެކެވެ.
މަހޭޝް ބަޓާއި މުކޭޝް ބަޓްގެ ވިޝޭސް ފިލްމްސް އާއި ބުޝަން ކުމާރުގެ ޓީ ސީރީޒް ގުޅިގެން ހަދާ "އާޝިގީ 3″ އިއުލާންކުރި މިދިޔަ އަހަރުގެ ސެޕްޓެމްބަރު 4 ގަ އެވެ. މި ފިލްމް ޑައިރެކްޓް ކުރަނީ އަނުރާގް ބާސޫއެވެ.
ކޮމެންޓު ފޮނުވާ