މި މަހުގެ 5 ގައި އޮލިމްޕަހުގައި ޕްރީމިއާކުރި ކޮމެޑީ ފިލްމު "ޖޯކަރު" ގެ ވަދާއީ ޝޯ އަންނަ ހުކުރު ދުވަހުގެ ރޭ ގެެނެސްދިނުމަށް ނިންމައި އެކަން އިއުލާން ކޮށްފިއެވެ.
"ޖޯކަރު" އަކީ ޔޫއްޕެއާ ގުޅިގެން އިސްމާއީލް ޝަފީގާއި ޝާނީޒް އަލީ ޕްރޮޑިއުސްކޮށްފައިވާ އެއްޗެކެވެ. ފާހަގަ ކޮށްލެވޭ ކަމަކީ ޝަފީގް އަދި ޝާނީޒް އަކީ ވެސް ކާމިޔާބު ފިލްމް ތަކެއް ޕްރޮޑިއުސް ކޮށްފައިވާ ދެ ޕްރޮޑިއުސަރުން ކަމެވެ.
"ޖޯކަރު" ގެ ކާސްޓްގައި އަހުމަދު ނިމާލު، ޝީލާ، ނަޖީބު، އަހުމަދު ސައީދު، އަލީ އާޒިމް (ދޮން އައްޔަ) ،ނާޝިދާ މުހައްމަދު (ނާއްކޮ)، އިބްރާހީމް ރަޝީދު (ބްރޯ)، ހަމްދާން ފާރޫގް، އަހުމަދު ރިފްޝާން، ޝަހީދާ އަހުމަދު، މޫސާ އަލީފާއި އީމަން އަދި ނަސްވީ ހިމެނެ އެވެ.
ހުކުރު ދުވަހުގެ ރޭ "ޖޯކަރު" ފަހު ޝީ ދައްކަން ހަމަޖެހިފައިވާ އިރު، ހޮނިހިރު ދުވަހުގެ ރޭ ޔޫއްޕެ ލިޔެ، ޑައިރެކްޓްކޮށްފައިވާ ބިރުވެރި ފިލްމު "ކަޅަކި" އޮލިމްޕަހުގައި ޕްރީމިއާކުރާނެ އެވެ.
